Metavyja damovy dla abituryjentaŭ miedycynskich VNU pačnuć vydavać z 15 maja
Raniej paviedamlałasia, što płatnaha naboru ŭ hetym hodzie ŭ miedycynskija VNU nie budzie.
Vydača metavych damovaŭ dla abituryjentaŭ miedycynskich VNU pačniecca z 15 maja, a dla kaledžaŭ — z 1 červienia, paviedamlaje BiełTA sa spasyłkaj na Minzdaroŭja.
Afarmleńnie i vydača metavych damoŭ dla abituryjentaŭ 2026 hoda, jakija žadajuć pastupać u miedycynskija ŭniviersitety, pačniecca z 15 maja. Dla tych, chto płanuje pastupać u miedycynskija kaledžy, hety praces startuje z 1 červienia i praciahniecca da apošniaha dnia padačy dakumientaŭ u miedycynskija VNU (2 lipienia) i miedycynskija kaledžy (11 žniŭnia).
U Minzdaroŭja adznačyli, što z ulikam źmianieńnia zakazčyka na metavuju padrychtoŭku dla vyšejšaj adukacyi buduć arhanizavany punkty vydačy metavych damoŭ u rehijonach i horadzie Minsku (na bazie hałoŭnych upraŭleńniaŭ pa achovie zdaroŭja abłvykankamaŭ, kamiteta pa achovie zdaroŭja Minharvykankama, čatyroch miedycynskich univiersitetaŭ, Instytuta pavyšeńnia kvalifikacyi i pierapadrychtoŭki kadraŭ achovy zdaroŭja BDMU).
Adznačajecca, što pra paradak afarmleńnia i vydačy metavych dahavoraŭ Ministerstva achovy zdaroŭja dadatkova prainfarmuje na aficyjnym sajcie, a taksama praz srodki masavaj infarmacyi.
U viedamstvie taksama paviedamili, što ličby pryjomu ŭ miedycynskija ŭniviersitety na ŭmovach metavaj padrychtoŭki buduć apublikavany da 15 maja, u miedycynskija kaledžy — da 10 červienia.
Ministerstva achovy zdaroŭja ŭ hetym hodzie budzie vystupać zakazčykam kadraŭ dla metavaj padrychtoŭki ŭ miedycynskich VNU.
Kamientujučy naviny budučaj ustupnaj kampanii ŭ miedycynskija VNU ŭ 2026 hodzie, načalnica hałoŭnaha ŭpraŭleńnia kadravaj raboty i prafiesijnaj adukacyi Ministerstva achovy zdaroŭja Volha Kalupanava adznačyła źmieny, jakija datyčacca metavaha naboru.
Tak, metavy nabor hetaha hoda budzie strukturavany i dyfierencyravany pa kožnaj śpiecyjalnaści miedycynskaj adukacyi z ulikam prahnazavanaj patreby ŭ kadrach. Jašče adnoj navinoj hetaj ustupnaj kampanii źjaŭlajecca źmianieńnie zakazčykaŭ metavaj padrychtoŭki.
«Ministerstva achovy zdaroŭja budzie vystupać u hetym hodzie zakazčykam kadraŭ dla metavaj padrychtoŭki ŭ miedycynskich univiersitetach, što dazvolić u dalejšym ukamplektavać arhanizacyi achovy zdaroŭja Respubliki Biełaruś vypusknikami z ulikam isnaj patreby ŭ hod ich vypusku», — paviedamili ŭ Minzdaroŭja.
Taksama adznačajecca, što takaja sistema dazvolić vypusknikam z vysokimi rejtynhami padčas navučańnia atrymać nakiravańnie na pieršaje miesca pracy ŭ arhanizacyi achovy zdaroŭja abłasnoha i respublikanskaha ŭzroŭniu.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary