Na videa z vyprabavańnia rakiety «Sarmat» žurnalisty ŭhledzieli dziŭnuju detal
Paśla zajavy Uładzimira Pucina pra paśpiachovaje vyprabavańnie rakiety «Sarmat» Ministerstva abarony Rasii apublikavała videa zapusku. Adnak uvažlivyja naziralniki zaŭvažyli na kadrach niečakanuju detal: u kamandnym centry za škłom znachodzicca zhornuty ściah vajskovaha instytuta, jaki byŭ rasfarmavany jašče ŭ 2011 hodzie, piša «Ahientstvo».
Hety ściah znachodzicca sprava ad tak zvanaha «Bajavoha pasta №2». Na im bačnyja charakternyja elemienty — čatyry aranžavyja pramiani z załatymi emblemami i čornym abramleńniem. Pa hetych prykmietach ekśpierty i žurnalisty vyznačyli, što heta simvolika Vajskovaha instytuta pavyšeńnia kvalifikacyi śpiecyjalistaŭ mabilizacyjnych orhanaŭ (VIPKSMO), jaki byŭ likvidavany bolš za dziesiać hadoŭ tamu, a znachodziŭsia ŭ Saratavie.
Na hetuju nieadpaviednaść pieršym źviarnuŭ uvahu žurnalist Dźmitryj Sucharaŭ.
Akramia hetaha, u materyjale zhadvajecca čałaviek, jaki prysutničaje na «Bajavym paście №1» padčas zapusku. Heta 36‑hadovy vajskoviec Rakietnych vojskaŭ stratehičnaha pryznačeńnia Andrej Kazub. Pavodle analizu ŭciečak danych, jon zarehistravany ŭ zakrytym vajskovym haradku Jasny ŭ Arenburhskaj vobłaści, dzie raźmieščanaja adna z rakietnych dyvizij RF. Taksama viadoma, što jon atrymlivaŭ dachod ad Ministerstva abarony, u tym liku ŭ jakaści kamandzira hrupy.
12 maja kiraŭnik rasijskich Rakietnych vojskaŭ stratehičnaha pryznačeńnia Siarhiej Karakajeŭ dałažyŭ Pucinu pra nibyta paśpiachovyja vyprabavańni «Sarmata» i paabiacaŭ, što rakieta pastupić na bajavoje dziažurstva da kanca hoda. Adnak heta nie pieršaje padobnaje abiacańnie: raniej ułady ŭžo niekalki razoŭ paviedamlali pra chutkaje ŭviadzieńnie rakiety ŭ stroj, choć terminy pastajanna pieranosilisia.
U Rasii zajavili pra paśpiachovy pusk rakiety «Sarmat»
Na 9 maja Rasija moža znoŭ pasprabavać zapuścić rakietu «Sarmat»
Vybuch na rakietnaj bazie pad Arenburham moh być čarhovym niaŭdałym vyprabavańniem rakiety «Sarmat»
«Takoha ŭ śviecie niama». Pucin abviaściŭ pra vyprabavańni padvodnaha aparata «Pasiejdon» ź jadziernaj ustanoŭkaj
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary