Vybuch na rakietnaj bazie pad Arenburham moh być čarhovym niaŭdałym vyprabavańniem rakiety «Sarmat»
Vybuch na bazie stratehičnych rakietnych vojskaŭ u horadzie Jasny Arenburhskaj vobłaści, jaki adbyŭsia ŭ piatnicu dniom, staŭ vynikam niaŭdałych vyprabavańniaŭ najnoŭšaj rasijskaj jadziernaj rakiety «Sarmat». Tak miarkujuć vajskovyja ekśpierty, piša The Moscow Times.
Na kadrach, jakija zrabili vidavočcy, rakieta vylataje z šachty, padymajecca ŭ pavietra, paśla čaho chilicca, pačynaje hareć i padaje, razvalvajučysia na častki i pakidajučy paśla siabie hihanckaje hrybapadobnaje vobłaka aranžava-fijaletavaha adcieńnia.
Pa ŭsich prykmietach, najbolš vierahodny kandydat — heta «Sarmat», ličyć Pavieł Podźvih, staršy navukovy supracoŭnik Instytuta AAN pa daśledavańni prablem razzbrajeńnia.
Hetuju rakietu Rasija raspracoŭvaje z 2013 hoda, kab zamianić sastarełyja savieckija rakiety naziemnaha bazavańnia. Prezident Rasii Uładzimir Pucin abiacaŭ, što «Sarmat» pastupić u vojski jašče ŭ 2020 hodzie, ale rakieta tak i nie palacieła. Papiaredniaja sproba jaje vyprabavać kala hoda tamu zaviaršyłasia niaŭdała: rakieta vybuchnuła ŭ šachcie na palihonie Plasieck, pakinuŭšy paśla siabie hihancki kratar.
Najbolš vierahodna, što vyprabavańni «Sarmata» znoŭ pravalilisia, zhodzien Ećjen Markus, navukovy supracoŭnik Francuzskaha fondu stratehičnych daśledavańniaŭ (FRS). Vajskoŭcam treba terminova siertyfikavać rakietu, pakolki Pucin anansavaŭ jaje źjaŭleńnie ŭ vojskach sioleta, nahadvaje ekśpiert.
Rakieta ŭpała za 1 kiłamietr ad šachty, pakinuŭšy paśla siabie 70‑mietrovy kratar, adznačaje Markus sa spasyłkaj na spadarožnikavyja zdymki Sentinel 2.
full video pic.twitter.com/S6FqlopYdF
Hetym razam rakietu sprabavali zapuścić u kirunku palihona Kura na Kamčatcy: dla rajonaŭ palihona «Jasny» i Kury Rasija vypuściła NOTAM — apaviaščeńni dla piłotaŭ z rekamiendacyjaj ablatać niebiaśpiečnyja zony, adznačaje vajskovy ekśpiert Dźmitryj Kornieŭ.
Jon zhodny, što hetaj rakietaj, jakaja ŭpała, moh być «Sarmat». Adnak nie vyklučaje taksama, što pad Arenburham adbyŭsia niaŭdały test «Vajavody» (Satan u kłasifikacyi NATA) — samaj staroj z najaŭnych u Rasii rakiet, jakaja staić na ŭzbrajeńni z 1980-ch. Abiedźvie rakiety — na vadkim palivie, jakoje i pakinuła vobłaka charakternaha koleru.
Pavieł Podźvih u hetym sumniavajecca: «Vajavodu» apošni raz vypraboŭvali ŭ 2013 hodzie. Pa danych SIPRI, na ŭzbrajeńni Rakietnych vojskaŭ stratehičnaha pryznačeńnia Rasii zastalisia tolki 34 takija rakiety. Choć niekatoryja «Vajavody» mohuć stajać na ŭzbrajeńni, vielmi małavierahodna, što rakietnyja vojski vyrašyli zapuścić adnu ź ich, piša Podźvih.
Wide view pic.twitter.com/pR44uF4nsD
Na bazie «Jasny» taksama raźmieščanyja najnoŭšyja rakietnyja kompleksy «Avanhard». Adnak hetyja rakiety vykarystoŭvajuć «haračy pusk» z šachty, tady jak na videa bačny «chałodny pusk», adznačaje ekśpiert.
«Miarkujučy pa ŭsim, heta čarhovaja niaŭdača dla prahramy «Sarmat». Vielmi małavierahodna, što rakieta budzie razhornutaja ŭ 2025 hodzie, jak było abvieščana prezidentam Rasii ŭ pačatku hetaha miesiaca», — robić zaklučeńnie ekśpiert.
Pravał «Sarmata» «naniasie surjoznyja straty rasijskamu strymlivańniu ŭ siarednieterminovaj pierśpiektyvie», piša Ećjen Markus:
«Zamiena sastarełych rakiet R-36M2 [«Vajavoda» — The Moscow Times], na jakich skancentravanaja značnaja častka stratehičnych bojehałovak Rasii, adkładajecca jašče na bolš poźni termin, a ich techničnaje absłuhoŭvańnie, jakoje da 2014 hoda rabiła Ukraina, zastajecca pad pytańniem».
Usiaho, pavodle źviestak SIPRI, stratehičnyja jadziernyja siły Rasii naličvajuć 333 rakiety naziemnaha bazavańnia. U asnoŭnym heta kompleksy «Jars» (206 adzinak), u tym liku pierasoŭnyja, kožny ź jakich zdolny nieści 4 bojehałoŭki pa 250 kiłaton.
Taksama Rasija maje 78 rakiet «Topol» z adnoj bojehałoŭkaj u 800 kiłaton, 12 kompleksaŭ «Avanhard» i prykładna try dziasiatki «Vajavodaŭ». Akramia taho, na ŭzbrajeńni Rasii — 192 balistyčnyja rakiety padvodnych łodak («Siniava» i «Bułava»), vynikaje sa źviestak SIPRI.
Na bazie najnoŭšych jadziernych rakiet u Rasii prahrymieŭ mocny vybuch
«Takoha ŭ śviecie niama». Pucin abviaściŭ pra vyprabavańni padvodnaha aparata «Pasiejdon» ź jadziernaj ustanoŭkaj
Jadziernyja mižkantynientalnyja balistyčnyja rakiety robiacca nieprydatnymi našmat chutčej, čym ličyłasia raniej
Čarhovaje vyprabavańnie jadziernaj mižkantynientalnaj rakiety «Sarmat» skončyłasia pravałam
Padčas vizitu Bajdena ŭ Kijeŭ Rasija praviała niaŭdały zapusk mižkantynientalnaj rakiety
Pucin prezientavaŭ novy vid zbroi
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń40
Kamientary
Tak pieriedajtie ukraincam na obsłuživanije, oni ich vam bystro počiniat. I na dom dostaviat, sovieršienno biespłatno.
Takuju štuku jak uzharańnie travy (lesu) adsočvaje nie tolki francuzski spadarožnik. Josť supraćpažarny spadarožnikavy manitorynh.
Na "Vajavodzie" stajali čatyry ruchaviki, jakija raspracoŭvalisia nie va Ukrainie. Hłuško pracavaŭ u Maskvie.
"Minamiotny start" - mabyć toje, što francuz nazyvaje "chałodnym puskam".
Heta rašeńnie kalektyva Michaiła Janhiela. Dobra bačna na raskadroŭcy paśpiachovaha pusku "Sarmata" z palihona Plesieck (nieŭzabavie paśla sproby paŭnamaštabnaha uvarvańnia - u sakaviku 2022-ha) jak adstrelvajecca "paddon", jaki pavinien abaranić ruchaviki pry minamiotnym starcie. Paddon pierakulvajecca i ź jaho idzie fijaletavy dym. U Plesiecku lažaŭ śnieh, tamu "lisinyja chvasty" (tetra-aksid azota raspadajecca) i fijaletavy dym nie tak zaŭvažnyja, jak na Dambroŭskim/Jasnym paśla vybuchu pry avaryjnym pusku. U Plesiecku u dzień paśpiachovaha startu išła kandensacyja z-za chałodnaha pavietra. Chto viedaje jak paŭpłyvała tempieratura u čas startu.
Vypchnuć na vysatu 2-3 mietry z transpartna-puskavoha kantejniera 200 tonnuju "Vajavodu" (Satan, SS-18), albo "Sarmat", adstrelić ubok paddon, zapuścić ruchaviki pieršaj stupieni - hetyja i inšyja zadačy, na pačatkovym etapie pracy nad Janhieleŭskaj MBR, vykonvali 22 vyličalnyja mašyny. Siarod zahinułych u katastrofie na Bajkanury ("Niedielinskaja katastrofa" 24 kastryčnika 1960-ha, utojvałasia 29-ć hadoŭ, až da 1989-ha), byli i ludzi niepasredna vykonvaŭšyja zadaču raspracoŭki aŭtanomnaj sistemy kiravańnia.
Kankurenty ukraincaŭ maryli dadušyć ich jašče pry Chruščovie, ale nie paśpieli. Užo lažali pryhatavanyja papiery. Chruščoŭ nie paśpieŭ padpisać, a Brežnieŭ pryniaŭ rašeńnie zachavać kankurencyju pamiž raspracoŭščykami.
Jak raźviazać praklon savieckaha VPK nichto nie viedaje.