«Takoha ŭ śviecie niama». Pucin abviaściŭ pra vyprabavańni padvodnaha aparata «Pasiejdon» ź jadziernaj ustanoŭkaj
Prezident Rasii Uładzimir Pucin abviaściŭ, što 28 kastryčnika adbyłosia paśpiachovaje vyprabavańnie padvodnaha bieśpiłotnaha aparata «Pasiejdon», abstalavanaha jadziernaj enierhietyčnaj ustanoŭkaj.
Pucin zajaviŭ, što padčas vyprabavańniaŭ atamnaja ŭstanoŭka «Pasiejdona» była zapuščana, i aparat «prajšoŭ peŭnuju kolkaść času».
«Mahutnaść «Pasiejdona» značna pieravyšaje mahutnaść našaj samaj pierśpiektyŭnaj mižkantynientalnaj rakiety «Sarmat». Takoha ŭ śviecie niama», — skazaŭ Pucin, zajaviŭšy, što aparat nie maje anałahaŭ pa chutkaści i hłybini ruchu, jaho nielha pierachapić.
Hetaja zajava prahučała na fonie paviedamleńnia, zroblenaha dniom raniej, pra vyprabavańni kryłataj rakiety «Buravieśnik», jakaja taksama maje jadziernuju enierhietyčnuju ŭstanoŭku, što tearetyčna zabiaśpiečvaje joj nieabmiežavany radyus dziejańnia, i jakaja taksama, pa słovach Pucina, nie maje anałahaŭ.
Pucin taksama paviedamiŭ, što mižkantynientalny balistyčny kompleks «Sarmat» nieŭzabavie pastupić na bajavoje dziažurstva.
Kamientary