Hiensak NATA prapanavaŭ členam aljansu vydzialać na dapamohu Ukrainie pa 0,25% VUP
Hienieralny sakratar NATA Mark Rute prapanavaŭ, kab krainy aljansu štohod vydzialali Ukrainie sumu, roŭnuju 0,25% svajho VUP. Pavodle infarmacyi vydańnia Politico, takuju ideju jon vykazaŭ na zakrytaj sustrečy pasłoŭ NATA naprykancy krasavika padčas padrychtoŭki da letniaha samitu aljansu ŭ Turcyi.
Kali prapanovu padtrymajuć usie krainy NATA, ahulny abjom dapamohi Ukrainie moža pavialičycca amal utraja i dasiahnuć kala 143 miljardaŭ dalaraŭ u hod.
Rute choča zrabić padtrymku Kijeva bolš stabilnaj i pradkazalnaj, a taksama pamienšyć niezadavolenaść siarod sajuźnikaŭ, bo niekatoryja krainy vydzialajuć značna bolš srodkaŭ, čym inšyja. Najbolšuju dapamohu adnosna svajho VUP ciapier akazvajuć krainy Paŭnočnaj Jeŭropy i Bałtyi, Polšča i Niderłandy, najmienš entuzijazmu — u krain Paŭdniovaj Jeŭropy.
Inicyjatyva Rute ŭžo sustreła supraciŭ z boku niekatorych bujnych dziaržaŭ, u tym liku Francyi i Vialikabrytanii. Dla pryniaćcia takoha rašeńnia nieabchodnaja zhoda ŭsich členaŭ NATA, tamu pakul nieviadoma, ci atrymaje prapanova padtrymku.
Pytańnie mohuć abmierkavać na sustrečy ministraŭ zamiežnych spraŭ krain NATA, jakaja adbudziecca na nastupnym tydni ŭ šviedskim Hielsinhborhu.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary