Рубіа: ЗША прыпынілі трохбаковыя перамовы з Украінай і Расіяй аб завяршэнні вайны
Дзяржаўны сакратар ЗША Марка Рубіа на сустрэчы міністраў замежных спраў краін НАТА ў Швецыі заявіў, што Вашынгтон пакуль не бачыць сэнсу працягваць сустрэчы, якія не даюць выніку, піша The Guardian.
«Мы не зацікаўлены ўцягвацца ў бясконцы цыкл перамоў, якія ні да чаго не прыводзяць», — сказаў Марка Рубіа.
Пры гэтым ён падкрэсліў, што ЗША гатовы вярнуцца да дыялогу, калі з’явіцца магчымасць для «канструктыўных і прадуктыўных» перамоў.
Таксама Рубіа назваў фэйкам чуткі пра тое, што Вашынгтон нібыта падштурхоўвае Украіну да пэўнай пазіцыі на перамовах.
Паводле яго слоў, Украіна атрымлівае больш дапамогі, чым калі-небудзь, праз праграму PURL, у якой ЗША працягваюць удзельнічаць.
На думку дзяржсакратара ЗША, вайна «не скончыцца ваеннай перамогай аднаго з бакоў».
Марка Рубіа таксама адказаў на пытанне пра абвінавачванні з боку Расіі на адрас краін Балтыі. Раней расійская разведка заявіла, што Украіна нібыта рыхтуе ўдары па Расіі з тэрыторыі Латвіі.
«Мы разумеем, што гэтыя краіны адчуваюць пагрозу — па цалкам відавочных прычынах. Таму гэта выклікае занепакоенасць, бо заўсёды ёсць рызыка, што падобныя рэчы могуць перарасці ў нешта большае, і такая магчымасць заўсёды існуе», — заявіў ён.
Паводле слоў Рубіа, ЗША «ўважліва сочаць» за сітуацыяй і ўзаемадзейнічаюць у гэтым пытанні з НАТА.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары52
Каментары
Пасля уікэнда в маралаге ці раніцай пачуем новае )))