Łaŭroŭ uhledzieŭ u Azii farmavańnie miascovaha NATA i ŭžo zahadzia jaho baicca
Ministr zamiežnych spraŭ Rasii Siarhiej Łaŭroŭ na mierapryjemstvie ŭ Piermi zajaviŭ, što krainy Zachadu surjozna prasoŭvajuć ideju stvareńnia novaha vajskovaha sajuza ŭ Azijacka-Cichaakijanskim rehijonie, jaki pavinien stać anałaham NATA. Na jaho dumku, heta niasie pahrozu intaresam Rasii.
Pavodle słoŭ Łaŭrova, takaja inicyjatyva nakiravanaja nie tolki suprać Rasii, ale i suprać inšych krain, jakija pravodziać «samastojnuju palityku» — u tym liku Kitaja, Irana, Paŭnočnaj Karei i Biełarusi. Jon ličyć, što Zachad stvaraje novyja vajskova-palityčnyja błoki, kab uzmacnić cisk na hetyja dziaržavy i asłabić sistemu biaśpieki ŭ rehijonie.
Łaŭroŭ taksama adznačyŭ, što ŭ Azii chutka pašyrajecca vajskovaja prysutnaść ZŠA i ich sajuźnikaŭ. U jakaści prykładu jon pryvioŭ sajuz AUKUS (Aŭstralija, Vialikabrytanija i ZŠA), a taksama inšyja farmaty supracoŭnictva z udziełam Japonii, Paŭdniovaj Karei, Aŭstralii i inšych krain. Na jaho dumku, takija struktury majuć zakryty charaktar i nakiravanyja nie na supracoŭnictva, a na strymlivańnie inšych dziaržaŭ.
Asobna Łaŭroŭ źviarnuŭ uvahu na ideju stvareńnia tak zvanaj «Arhanizacyi Inda-Cichaakijanskaj damovy» — mahčymaj budučaj vajskovaj kaalicyi. Choć takoj arhanizacyi pakul nie isnuje, padobnyja płany abmiarkoŭvajucca ŭ ZŠA. Rasijski ministr ličyć, što heta jašče bolš uzmocnić napružanaść u rehijonie.
Urešcie jon zajaviŭ, što Rasija nibyta vystupaje za dypłamatyčnaje vyrašeńnie kanfliktaŭ, u tym liku vakoł Irana, i ličyć, što novaja eskałacyja ŭ hetym rehijonie budzie niebiaśpiečnaj dla ŭsiaho śvietu.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary