Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Palityčny analityk i eks-palitviazień u svaim fejsbuku stroha adkazaŭ Maryi, jakaja zajaviła pra toje, što šeść hadoŭ tamu zmahałasia nie suprać Łukašenki, a za ludziej.
«Darahaja Maša! Prabačcie za rezkaść, ale nikoha nie cikavić, za što Vy zmahalisia ŭ 2020 hodzie (mahčyma, akramia miadźviedziaŭ ź bierlinskaha zaaparka, jakija Vas atačajuć). Bo hałasavali nie za vašy pierakanańni, muzyčny słych i čyrvonuju pamadu. Sotni tysiač ludziej vychodzili na pikiety, kab pastavić podpisy nie «za», a «suprać». I hałasavali jany nie «za», a «suprać».
Da honaru Śviatłany Cichanoŭskaj treba skazać, što jana heta razumieła tady i, zdajecca, razumieje ciapier.
Akramia taho, prajšło piać z pałovaj hadoŭ, vielmi nasyčanych. Idzie Vialikaja jeŭrapiejskaja vajna, jak by i chto b heta ni nazyvaŭ. I na fonie hetaj vajny Vy zaklikajecie da dyjałohu z ahresaram, jakoha kamientatary biełaruskich miedyja ŭ vyhnańni saramliva nazyvajuć «pry ŭdziele». Maša, pahladzicie ŭ lusterka i prosta padumajcie pra ŭsio heta», — napisaŭ Alaksandr Fiaduta.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary