Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Maryja Kaleśnikava prapanuje Jeŭropie nie zmahacca z Łukašenkam, a zmahacca «za ludziej, za ich budučyniu».
Taki pohlad byłaja palitźniavolenaja ahučyła na kanfierencyi GLOBSEC u Prazie, zaŭvažyła «Jeŭraradyjo».
«U 2020 hodzie ja zmahałasia nie suprać Łukašenki, ja zmahałasia za ludziej, za svabodu, za svabodnyja vybary. I vielmi vialikaja roźnica ŭ razumieńni stratehii, u razumieńni ŭsioj situacyi. I ciapier kali ja kažu pra pieramovy, ź biełaruskimi ŭładami, pieršaja i adzinaja pryčyna — heta ludzi, ludzi, što zastajucca ŭ turmach, ludzi, jakija ŭ niebiaśpiecy za palityčnyja pohlady i h.d.», — kaža eks-palitźniavolenaja.
«Ja dumaju, što vielmi važna nie zmahacca z dyktataram, u tym vyhladzie, jak heta robicca ciapier, tamu što Łukašenka tut z 1994 hoda, prajšło ŭžo 30 hadoŭ, ale ź im ničoha nie adbyłosia z sankcyjami, biez sankcyj, ale kali my dumajem pra ludziej, pra krainu, tak ci inakš pryjdzie čas i režym zakončycca.
Łukašenka sydzie z naturalnych ci inšych pryčyn, ale kraina pavinna być niezaležnaj, Biełaruś nie pavinna być častkaj Rasii, biełarusy pavinny być hatovyja da hetaha, i viadoma tamu ES pavinien nadać krychu bolš uvahi inšamu pohladu, inšaj stratehii, nie zmahacca z Łukašenkam, a zmahacca za ludziej, za ich budučyniu», — zaznačyła Maryja Kaleśnikava.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2222
Kamientary
[Zredahavana]