U Minsk-Śviecie adkryłasia krama, u jakoj možna zamović picu ŭ kasira. Zrobiać za try chviliny
U Minsk-Śviecie na vulicy Ałfiorava, 8 pačała pracu novaja «Kapieječka». U kramie pradajucca pradukty, śviežaja vypiečka, hatovaja ježa i tavary pieršaj nieabchodnaści, piša Realt.by.
Novaja «Kapieječka» adkryłasia na pieršym paviersie žyłoj šmatpaviarchoviki niedaloka ad AvijaMoła i stancyi Minsk-Paŭdniovy. Zvonku naviedvalnikaŭ sustrakaje čyrvona-žoŭtaja šylda i namalavanaja dziaŭčynka ź picaj.
Na palicach možna znajści tysiačy tavaraŭ paŭsiadzionnaha popytu. Vitryny zajmajuć miasnyja vyraby i małočnyja pradukty. Pobač arhanizavany kutok sadaviny i harodniny. Marazilnyja kamiery zapoŭnieny zamarožanaj rybaj.
Prykmietnaje miesca zajmaje śviežaja vypiečka: bułački, słojki, śmiatańniki i pončyki. Toje, što nie raskupili da 20:00, možna nabyć na 30% tańniej.
Znajšłosia miesca i dla zony hatovaj ježy navynas: tut jość katlety, tefteli, płoŭ, makarona, draniki i ŭdon z kurycaj.
Bližej da kas pracuje kava-pojnt. Siarod asablivaściaŭ — firmovyja picy, jakija kasiry vypiakajuć za 3 chviliny. Treba tolki vybrać adzin z šaści varyjantaŭ — ad piepieroni da «Azii».
Paśla hetaha zamarožanuju picu źmiaščajuć u razahretuju pieč, a kali jana hatovaja — kładuć u karobku. Kožnaja važyć 490 h i kaštuje 8,59 rubla.
Ceny na inšyja pradukty nastupnyja: rys «Žaśmin» — 3,29 rubla za 600 h, hruca — 1,29 rubla za kiłahram.
Litr aleju abydziecca ŭ 4,79 rubla, marožanaje «Soka-Soka» — u 1,49 rubla, pačak kavy Jacobs Monarch vahoj 800 h — u 47,99 rubla, a litr Coca-Cola — u 2,89 rubla.
Taksama dastupnyja pielmieni «Babula Ania» pa 3,99 rubla za kiłahram, rybnyja pałački ź mintaja pa 4,99 rubla i nabor rołaŭ za 15,99 rubla. Pralny parašok BIMAX (3 kh) kaštuje 14,99 rubla.
Sietka «Kapieječka» naličvaje kala 900 kramaŭ pa ŭsioj Biełarusi. Jana naležyć kampanii «Dabranom», jakaja taksama raźvivaje sietku «Majak». Rytejler imkniecca padtrymlivać nizkija ceny za košt kamiercyjnaj stratehii, aptymizacyi apieracyjnych i łahistyčnych pracesaŭ, a taksama inšych vydatkaŭ.
Krama «Kapieječka» na vulicy Ałfiorava, 8 pracuje z 9:00 da 22:00.
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali1
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary