Hiermanija, Francyja i Brytanija raspracoŭvajuć płan dałučeńnia Rasii da pieramovaŭ
Hetyja try krainy ličać, što momant, kali Pucin budzie zmušany sieści za stoł pieramoŭ, blizki.
Hrupa klučavych jeŭrapiejskich sajuźnikaŭ Ukrainy — Hiermanija, Francyja i Vialikabrytanija — sumiesna z Kijevam raspracoŭvaje płany pa pryciahnieńni Rasii da pieramoŭ z metaj spynieńnia vajny, pakolki bačyć źmienu dynamiki, jakaja ŭmacoŭvaje pazicyi prezidenta Ukrainy Uładzimira Zialenskaha, piša Bloomberg.
Try najbujniejšyja ekanomiki Jeŭropy taksama abmierkavali hetaje pytańnie sa svaimi ŭkrainskimi kalehami, paviedamili surazmoŭcy Bloomberg na ŭmovach ananimnaści.
Pavodle krynic Bloomberg, na fonie zaciahvańnia pieramoŭ pad ehidaj ZŠA i rostu strat rasijskich vojskaŭ va ŭmovach tupikovaj situacyi na poli boju hetyja try krainy bačać mahčymaść patencyjna pryciahnuć Pucina da stała pieramoŭ.
«Cisk na Kreml uzmacniajecca taksama tym, što ŭkrainskija vojski dasiahajuć usio bolšych pośpiechaŭ u naniasieńni ŭdaraŭ bieśpiłotnikami ŭhłyb terytoryi Rasii, a taksama źjaŭlajucca peŭnyja prykmiety supracivu vajnie Pucina na najvyšejšych uzroŭniach u Maskvie», — havorycca ŭ publikacyi.
Pravodziačy pieramovy mienavita ciapier, sajuźniki imknucca paźbiehnuć čarhovaj zimy, padčas jakoj Rasija, vierahodna, uzmocnić ataki na hramadzianskaje nasielnictva i enierhietyčnuju infrastrukturu, pakolki Pucin sprabuje padarvać bajavy duch ukraincaŭ.
Krynicy Bloomberg padkreślili, što kančatkovaje rašeńnie ab tym, ci praciahvać sproby pieramoŭ z Rasijaj, naležyć Zialenskamu, i što jeŭrapiejskija krainy nie buduć cisnuć na ŭkrainskaha prezidenta, kab jon pryniaŭ stratehiju, ź jakoj nie zhodny.
Pavodle krynic vydańnia, u bližejšyja dni premjer-ministr Vialikabrytanii Kir Starmier pavinien pravieści pieramovy z kancleram Hiermanii Miercam i prezidentam Francyi Makronam.
Zialenski papiaredziŭ, što Ukrainie terminova patrebnyja dadatkovyja sistemy Patriot i inšyja srodki supraćpavietranaj abarony, pakolki Rasija praciahvaje bambardziroŭki haradoŭ krainy.
U minułym miesiacy jon zajaviŭ, što Jeŭropa pavinna pasprabavać adyhrać svaju rolu ŭ pieramoŭnych namahańniach, jakija da hetaha času pieravažna ŭznačalvalisia ZŠA. Prezident Ukrainy nieadnarazova zaklikaŭ sajuźnikaŭ uzmacnić cisk na Maskvu, piša «Ukrainskaja praŭda».
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Spasajem mordu-lica putina i jeho riežim, a značit i riežim Valeta?