Biełarus hod nie karystajecca šampuniem — i zadavoleny svaimi vałasami
Dzianis Zielanko raskazaŭ u fejsbuku, jak pajšoŭ na radykalnyja kaśmietyčnyja miery. Mužčyna bolš za hod nie karystajecca šampuniem i kaža, što jahonyja vałasy za hety čas zrabilisia tolki lepšymi.
Kali Dzianis raspačynaŭ toj ekśpierymient, jon skardziŭsia na salnyja vałasy, pierchać i śvierb skury hałavy. Šampuni suprać pierchaci častkova dapamahali — Dzianis karystaŭsia i mas-markietaŭskimi praduktami nakštałt Head&Shoulders, i lačebnym šampuniem «Nizarał». Ale ž skura hałavy z časam zvykałasia da šampuniaŭ, i davodziłasia šukać novy srodak.
Adpaviedna, Dzianis šukaŭ mahčymaść vyrašyć prablemy z vałasami najpraściejšym čynam, i, na dumku mužčyny, takim varyjantam mahła b być admova ad šampunia. Biełarus tłumačyć taki padychod tym, što ŭ staražytnych ludziej nie było nijakich šampuniaŭ i vałasy, jak i skura hałavy, sami mohuć padtrymlivać siabie ŭ paradku. Tamu Dzianisu było cikava pahladzieć, jak vałasy buduć siabie adčuvać «na zavadskich naładach».
Spačatku było składana:
«Praź niekalki dzion paśla apošniaha duša z šampuniem ja adznačyŭ narastańnie tłušču na vałasach, što łahična. Nastupnyja dušy ŭžo biez šampunia trochi źbivali tuju tłustaść.
Pieršyja paru tydniaŭ było vyraznaje adčuvańnie šapački na hałavie. Adčuvańni kryčali — maŭlaŭ, u nas vielmi tłustaja hałava, nieadkładna nali šampuń!»
Dzianis uspryniaŭ tyja adčuvańni jak sihnał, što na skuru jaho hałavy viarnuŭsia abarončy barjer. Tak mužčyna apisvaje tłušč-siebum, jaki vyrablajuć salnyja załozy na hałavie. Toj siebum abaraniaje vołas i skuru hałavy, a šampuń, adpaviedna, zmyvaje jaho lišak.
Paru tydniaŭ, pryznajecca Dzianis, jon «chadziŭ i pakutavaŭ», bo vałasy byli salnyja i ciažkija. A potym zdaryłasia niešta cikavaje:
«Paśla nastupnych dušaŭ kolkaść tłušču stała pamianšacca, źjaviŭsia blask na vałasach, jany zrabilisia miakkija i rassypistyja, nibyta paśla šampunia.
Sistema pryjšła ŭ raŭnavahu. Kolkaść tłušču, jaki vypracoŭvajecca, źmienšyłasia, bo jon ciapier nie zmyvaŭsia myjnymi srodkami. A značyć, jaho nie treba intensiŭna papaŭniać».
Ciapier Dzianis myje vałasy tolki čystaj vadoj, i jaho vałasy vyhladajuć adnolkava, kolki b času ni prajšło z apošniaha myćcia. Nijakaha adčuvańnia salnaści taksama niama, zapeŭnivaje mužčyna ŭ fejsbuku.
Dzianis raić tym, chto pračytaje jaho post, taksama pasprabavać chacia b časova admovicca ad myjnych srodkaŭ dla vałasoŭ.
«Absalutnaja bolšaść nie viedaje, jakija ŭ ich na samoj spravie vałasy. Bo kab heta daviedacca, treba źniać chimičnuju nahruzku z vałasoŭ, dać skury hałavy niekalki tydniaŭ na stabilizacyju sistemy i vychad na aryhinalny naturalny režym».
Ciapier pad pastom Dzianisa bolš za paŭtysiačy kamientaroŭ. Šmat chto pastaviŭsia da jaho idei krytyčna:
«Trusy mianiać — taksama błaznota, ja liču».
«Ujaŭlaju, jak ad vałasoŭ śmiardzić».
A niekatoryja raskazvali, što sprabavali padobnyja ekśpierymienty.
Dzianis udakładniaje ŭ kamientarach, što sam sumniavaŭsia nakont pachu, tamu časam pakazvaŭ svaje vałasy znajomym i prasiŭ apisać ich stan. Nijakaha smurodu tyja nie znachodzili, a voś pierchać zastavałasia, ale ŭ značna mienšaj kolkaści.
Na prapanovu samim admovicca ad šampuniaŭ znajomyja žančyny adkazvali, što nie zmohuć na heta pajści.
Ciapier Dzianis myje vałasy kožny raz, kali traplaje ŭ duš — ale tolki vadoj.
«Naša Niva» — bastyjon biełaruščyny
PADTRYMAĆCiapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?9
Kamientary