Palitźniavolenaja Alaksandra Kasko pieraniesła za kratami apieracyju
Pa infarmacyi pravaabarončaha prajekta Mayday Team, palityčnaja źniavolenaja Alaksandra Kasko za apošnija miesiacy sutyknułasia z surjoznymi prablemami sa zdaroŭjem padčas adbyvańnia pakarańnia ŭ papraŭčaj kałonii № 4.
Pavodle krynicy pravaabaroncaŭ, u žančyny vyjavili kistu jaječnika. Spačatku, jak śćviardžajecca, administracyja kałonii naležnym čynam nie adreahavała na jaje stan. Paźniej situacyja ŭskładniłasia: kista razarvałasia, paśla čaho Alaksandry terminova spatrebiłasia chirurhičnaja dapamoha.
Paviedamlajecca, što z kałonii jaje dastavili ŭ balnicu, dzie była praviedziena apieracyja. Paśla lačeńnia žančynu viarnuli ŭ kałoniju, dzie jana praciahvaje adbyvać pryznačany termin.
Alaksandra Kasko — žycharka Vaŭkavyska i miedycynski rabotnik. Jaje zatrymali 9 lutaha 2023 hoda paśla viartańnia ŭ Biełaruś. Spačatku žančynu aryštavali ŭ administracyjnym paradku, a zatym suprać jaje zaviali kryminalnuju spravu.
U abvinavačańni fihuravali vosiem artykułaŭ Kryminalnaha kodeksa, u tym liku abraza pradstaŭnika ŭłady, abraza sudździ, abraza Alaksandra Łukašenki, udzieł u ekstremisckim farmavańni, sadziejničańnie ekstremisckaj dziejnaści, paklop u dačynieńni da Łukašenki, niezakonnyja dziejańni ź piersanalnymi danymi i raspalvańnie sacyjalnaj varožaści.
19 śniežnia 2023 hoda sudździa Hrodzienskaha abłasnoha suda Dźmitryj Bubienčyk prysudziŭ Alaksandry Kasko 10 hadoŭ pazbaŭleńnia voli.
Paźniej suprać jaje byli raspačatyja jašče niekalki kryminalnych spraŭ. U mai 2024 hoda stała viadoma pra novy sud pa abvinavačańniach u abrazie pradstaŭnika ŭłady i abrazie sudździ. Spravu razhladała sudździa Natalla Horbač. Infarmacyja pra vyniesieny prysud publična nie ahučvałasia.
Taksama paviedamlałasia, što viasnoj 2025 hoda suprać Kasko zaviali jašče adnu kryminalnuju spravu. Źviestki pra vynik jaje razhladu taksama adsutničajuć u adkrytym dostupie.
Suprać palitźniavolenaj Alaksandry Kasko zaviali jašče adnu kryminalnuju spravu
Siłaviki paviedamili, što Alaksandru Kasko hod da zatrymańnia «vioŭ» supracoŭnik HUBAZiKa
«Chacieła adznačyć jubilej ź siamjoj». Što viadoma pra Alaksandru Kasko, jakoj prysudzili 10 hadoŭ paśla viartańnia ŭ Biełaruś
10 hadoŭ pazbaŭleńnia voli dali Alaksandry Kasko, jakaja viarnułasia z-za miažy ŭ Biełaruś
Čarhovuju biełarusku zatrymali paśla viartańnia z-za miažy
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary