Nacyjanalny bank Respubliki Biełaruś pašyryŭ pieralik paškodžanych maniet, jakija padlahajuć abmienu. Raniej jany ličylisia niepłatazdolnymi i nie prymalisia da zamieny, paviedamili ŭ pres-słužbie.
Zaraz možna abmianiać maniety sa ściortymi ŭčastkami, nadpiłami, skraznymi adtulinami i śladami vydaleńnia mietału, kali pry hetym zachoŭvajecca mahčymaść vyznačyć ich naminał i prynaležnaść da biełaruskich hrašovych znakaŭ.
Akramia taho, zamienie padlahajuć maniety, padzielenyja na kalco i siaredzinu, a taksama paŭtorna złučanyja, navat kali ich častki sumieščany nie całkam.
Adnačasova Nacbank udakładniŭ patrabavańni da ŭznaŭleńnia vyjaŭ banknot. Adhetul vyjavy abodvuch bakoŭ kupiury dazvalajecca raźmiaščać tolki na adnym baku lista.
Pry hetym pamier kopii pavinien składać mienš za 75% abo bolš za 125% ad pamieru aryhinalnaj banknoty.
Kamientary