Нацыянальны банк Рэспублікі Беларусь пашырыў пералік пашкоджаных манет, якія падлягаюць абмену. Раней яны лічыліся неплатаздольнымі і не прымаліся да замены, паведамілі ў прэс-службе.
Зараз можна абмяняць манеты са сцёртымі ўчасткамі, надпіламі, скразнымі адтулінамі і слядамі выдалення металу, калі пры гэтым захоўваецца магчымасць вызначыць іх намінал і прыналежнасць да беларускіх грашовых знакаў.
Акрамя таго, замене падлягаюць манеты, падзеленыя на кальцо і сярэдзіну, а таксама паўторна злучаныя, нават калі іх часткі сумешчаны не цалкам.
Адначасова Нацбанк удакладніў патрабаванні да ўзнаўлення выяў банкнот. Адгэтуль выявы абодвух бакоў купюры дазваляецца размяшчаць толькі на адным баку ліста.
Пры гэтым памер копіі павінен складаць менш за 75% або больш за 125% ад памеру арыгінальнай банкноты.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы15
Каментары