U Prezidenckaha spartyŭnaha kłuba ź Dźmitryjem Łukašenkam jość baza adpačynku «Viačorki»
Znachodzicca jana ŭ Raŭbičach.
Prezidencki spartyŭny kłub, jaki ŭznačalvaje Dźmitryj Łukašenka, vałodaje bazaj adpačynku «Viačorki» ŭ Raŭbičach, piša «Biuro».
Pracu «Viačorak» akumuluje asobnaja firma «Fansport» — jana naležyć kłubu. Dyrektar «Fansporta» — Juryj Čachoŭski. Dziakujučy «Kibierpartyzanam» vyśvietlili, što ŭ nulavych jon byŭ vajskoŭcam v/č 01549 — słužby biaśpieki Łukašenki.
U 2004 hodzie Čachoŭski navat atrymaŭ miedal «Za biezdakornuju słužbu» I stupieni. Takaja ŭznaharoda prysudžajecca asabista Alaksandram Łukašenkam vajskoŭcam i siłavikam za 20 hod samaachviarnaj i biezupynnaj słužby.
Baza adpačynku źjaviłasia na bałansie «Fansporta» ŭ kancy žniŭnia 2016 hoda.
Haściam «Viačorak» prapanoŭvajuć arendu čatyroch damkoŭ adpačynku ŭmiaščalnaściu ad 4 da 6 čałaviek (ad 340 da 640 rubloŭ za noč) i asobnyja numary dla dvaich (155 rubloŭ za noč).
Na terytoryi kompleksu dastupnyja ruskaja łaźnia (ad 108 da 200 rubloŭ za hadzinu), saŭna (ad 99 da 175 rubloŭ za hadzinu) i akvazona z basiejnam i džakuzi (80 rubloŭ za hadzinu).
Akramia taho, na terytoryi bazy adpačynku jość spartovaja placoŭka dla hulni ŭ futboł i valejboł.
Kali hladzieć na finansavuju spravazdačnaść «Fansporta», biznes hety nie vielmi prybytkovy. 2024 hod «Viačorki» spracavali z vyručkaj 206 tysiač rubloŭ, straty skłali 142 tysiačy rubloŭ. U 2025 hodzie situacyja składvałasia nie lepš: 225 tysiač rubloŭ vyručki suprać strata 411 tysiač rubloŭ.
Kamientary