Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
Pieršy raz Alesia Lubienčuka zatrymali ŭ mai 2022 hoda i praź niejki čas asudzili na try hady, na volu jon vyjšaŭ u studzieni 2025 hoda. Druhi raz byŭ zatrymany 2 vieraśnia 2025 hoda supracoŭnikami HUBAZiKa Hrodzienskaj vobłaści.
Druhi raz Lubienčuka abvinavacili ŭ «raspalvańni varožaści» (art. 130 KK RB) za niehatyŭnyja kamientary na adras uładaŭ i ŭ «sadziejničańni ekstremisckaj dziejnaści» (art. 361—4 KK RB) pa spravie Hajuna, piša BAŽ.
Nastupnyja 7 miesiacaŭ žurnalista ŭtrymlivali pad vartaj u hrodzienskim śledčym izalatary.
Sudovy praces pa spravie Lubienčuka adbyŭsia ŭ sakaviku 2026 hoda. Bok abvinavačańnia prasiŭ dla Alesia 4,5 hady źniavoleńnia va ŭmovach uzmocnienaha režymu.
Sudździa Valeryj Špak prysudziŭ 4 hady pazbaŭleńnia voli va ŭmovach uzmocnienaha režymu.
Adnak potym praz toje, što «złačynstva» pa novaj spravie było ździejśnienaje prykładna ŭ toj ža pieryjad času, što i papiaredniaje, za jakoje žurnalist užo adbyŭ termin źniavoleńnia, jamu zaličyli try hady ŭžo adbytaha pakarańnia pa papiarednim prysudzie (č. 5 art. 72 KK RB — «Pryznačeńnie pakarańnia pa sukupnaści złačynstvaŭ»). Takim čynam, zastaŭsia hod pakarańnia.
Čas, praviedzieny ŭ SIZA, ličyŭsia jak dzień za paŭtara. U vyniku ŭ kałonii Lubiančuk pravioŭ dva tydni, ź jakich častku ŭ karancinie i častku ŭ štrafnym izalatary. U atrad jon tak i nie byŭ pieraviedzieny, bo byŭ vyzvaleny pa skančeńni terminu ŭ mai.
22 červienia źjaviłasia infarmacyja pra ŭniasieńnie Alesia Lubienčuka ŭ «Śpis asob, jakija majuć dačynieńnie da terarystyčnaj dziejnaści» KDB. Uklučeńnie ŭ hety śpis nakładaje na čałavieka vielmi žorstkija abmiežavańni.
Najbolš balučyja nastupstvy datyčacca finansaŭ i mahčymaści vieści narmalnaje žyćcio. Tak, usie bankaŭskija rachunki ŭ Biełarusi aŭtamatyčna błakujucca, ź ich nielha ažyćciaŭlać nijakija płaciažy, navat atrymlivać zarobak ci piensiju.
Asoba z hetaha śpisa moža zdymać z rachunku tolki abmiežavanuju sumu (bazavuju vieličyniu) na miesiac dla minimalnych patrebaŭ.
Akramia taho, mohuć być prablemy z pracaŭładkavańniem — najmalniki mohuć admović u pryjomie na pracu, bo pradpryjemstvam zabaroniena pravodzić finansavyja apieracyi z udziełam takich asob.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary