«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie
Videa źjaviłasia napiaredadni vizitu Łukašenki ŭ Rasiju. Adnak i videa nie vyklikaje davieru, i hołas Ryžankova, vyhladaje, padrobleny.
Rasijski kalapalityčny telehram-kanał «JEŽ», jaki źviazvajuć z Kramlom, napiaredadni vizitu Alaksandra Łukašenki ŭ Rasiju apublikavaŭ videa ź nibyta pierachoplenaj razmovaj ministra zamiežnych spraŭ Biełarusi Maksima Ryžankova.
Na zapisie čałaviek abmiarkoŭvaje z padnačalenym mahčymuju ździełku z amierykanskimi inviestarami. Na čorna-biełym videa nizkaj jakaści niejki mužčyna siadzić na zadnim siadzieńni aŭtamabila i razmaŭlaje pa mabilnym telefonie. Pry hetym huk i videašerah nie supadajuć.
Pa słovach mužčyny na aŭdyja, ździełku z amierykanskim inviestaram asabista kantraluje «Pieršy» — namiok na Alaksandra Łukašenku. Heta ździełka nibyta pavinna «adčynić dźviery» dla Biełarusi, a jaje košt «nie maje nijakaha značeńnia», bo ŭsie vydatki nibyta płanujecca «kampiensavać za košt susiedziaŭ». Heta jaŭna namiok na mahčymy prodaž amierykanskim inviestaram u ramkach «vialikaj ździełki» z Donaldam Trampam Niežynskaha horna-ŭzbahačalnaha kambinata kalijnych solaŭ.
Nijakaha paćviardžeńnia sapraŭdnaści zapisu abo vykładzienych u im śćviardžeńniaŭ niama. Pryčym hołas hučyć niepadobna da hołasu ministra Ryžankova, dla maŭleńnia jakoha ŭłasicivyja charakternyja biełaruskija «ś» i «a». Tamu hetuju infarmacyju varta ŭsprymać vielmi aściarožna, pakolki jana moža być elemientam spłanavanaj infarmacyjnaj apieracyi.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary
[Zredahavana]