Ustanovy pradajucca pa žadańni ŭłaśnika.

Čatyry ŭstanovy, jakija pracujuć pad brendam Lidbeer u Minsku, vystaŭleny na prodaž. Abjavy źjavilisia na sajcie Realt, piša Office Life.
Tak, bar na Zybickaj płoščaj 70 «kvadrataŭ» pradajuć za 450 tysiač rubloŭ. Za ŭstanovu ŭdvaja bolš pa płoščy na vulicy Jakuba Kołasa chočuć 210 tys. rubloŭ, a za bar płoščaj 46,5 kv. m na Internacyjanalnaj — 180 tys. rubloŭ.
Samaja darahaja ŭstanova z vystaŭlenych na prodaž znachodzicca na Kamsamolskaj — amal 163 «kvadraty». Za jaje chočuć 660 tys. rubloŭ. U apisańni abjekta skazana, što pradajecca «vysokadachodny biznes u histaryčnym centry Minska».
Jak vyśvietliŭ Office Life, ustanovy pradajucca pa žadańni ŭłaśnika.
Prajekt sietki baraŭ Lidbeer maje bolš za 10 ustanoŭ u Minsku. U śniežni 2025‑ha na vuł. Revalucyjnaj adkryŭsia restaran — muziej piva. Heta sumiesny prajekt «Lidskaha piva» i sietki baraŭ Lidbeer.
Kampanija «Lidskaje piva» ŭvachodzić u finski chołdynh Olvi Group. Raniej hiendyrektar «Lidskaha piva» Aŭdryjus Mikšys raskazvaŭ, što ŭ apošni hod prodažy kampanii rastuć u asnoŭnym za košt biezałkaholnaha siehmienta.
Kamientary