Samaja vialikaja vioska Biełarusi padrasła amal da 25 tysiač čałaviek
Kopišča ličycca asobnym nasielenym punktam, choć faktyčna źlivajecca ź Minskam.
Mikrarajon Novaja Baravaja — častka Kopišča
Kolkaść nasielnictva ŭ Kałodziščach, Kopiščy, Lasnym i Baraŭlanach uražvaje — usie hetyja nasielenyja punkty, jakija znachodziacca vakoł Minska, farmalna ličacca sielskimi, adnak u ich žyvie ludziej bolš, čym u šmat jakich haradach krainy.
Pavodle statystyki na 1 studzienia 2026 hoda, u ich žyli:
- Vioska Kopišča — 24 914 (hod nazad — 22 270) žycharoŭ.
- Ahraharadok Kałodziščy — 23 922 (23 066) žycharoŭ.
- Vioska Baraŭlany — 21 528 (20 991) žychar.
- Ahraharadok Lasny — 20 988 (21 288) žycharoŭ.
Cikava, što Kopišča, Kałodziščy i Baraŭlany pa-raniejšamu imkliva pryrastajuć, a voś u Lasnym užo fiksujecca skaračeńnie kolkaści nasielnictva.
Kopišča
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
U Biełarusi histaryčna byli niekalki typaŭ nasielenych punktaŭ.
Chutar - samy zrobny nasieleny punkt, jaki składaŭsia ź niekalkich chataŭ, najčaściej rodzičaŭ, jakija viali zbolšaha supolnuju haspadarku.
Vioska - bujniejšy za chutar nasieleny punkt, dzie było šmat dvaroŭ, ale nie było carkvy.
Siało - vialikaja vioska, u jakoj była carkva abo kaścioł.
Miastečka - pramiežekavy typ nasielenaha punkta pamiž siałom i horadam, dzie žychary zbolšaha zajmalisia ŭžo nie sielskaj haspadarkaj, a ramieśnictvam, handlem i h.d.
Horad abo miesta - vialiki nasieleny punkt, dzie isnavała niejkaja pramysłovaść, a rniejšyja časy harady vykonvali abarončyja funkcyi.
To jakija da djabła, "ahraharadki"? Heta čysta ideałahičny ŭkid asabista łukašenki, u jakoha pažyćciovy kompleks "dziareŭni", jak jaho ź jahonaj trasiankaj nazyvali ŭ tym Mahiloŭskim piedinstytucie, dzie jaho na histaryčnym fakultecie ŭ vyniku navučyli, što "SkarynA ŭ Piciery žyŭ i tvaryŭ".
Davajcie, urešcie, ačomajemsia i budziem prasoŭvać svajo, a nie naviazanaje našymi vorahami! Navat savieckaje "pasiołak" datyčna Kałodziščaŭ i Lasnoha nie tak reža vucha, jak toj "ahraharadok". A lepiej tradycyjnaje - "miastečka".