Zialenski prapanavaŭ Pucinu sustrecca ŭ Kanstancinaŭcy, «raz jana ciapier pad kantrolem Rasii»
Prezident Ukrainy nazvaŭ zajavy pra zachop horada ŭ Danbasie blefam.
Uładzimir Zialenski paviedamiŭ u svaim telehram-kanale pra razmovy z kancleram Hiermanii Frydrycham Miercam: «Hiermanija — adzin z hłabalnych lidaraŭ u abaronie žyćcia, i my heta vielmi cenim. Klučavoje ciapier — rakiety dla «Petryjotaŭ», kab abaraniać našych ludziej ad rasijskaj balistyki. Havaryli pieradusim mienavita pra heta — pra mahčymaść padtrymać našy sistemy «Petryjot» nieabchodnymi rakietami, pakolki mienavita na rakietnyja ŭdary pa Ukrainie Rasija robić finalnuju staŭku: bolš mahčymaściaŭ dla zaciahvańnia vajny ŭ Rasii niama».
Taksama Zialenski zaznačyŭ, što ciapier, napiaredadni Dnia niezaležnaści Amieryki, «Pucin vyrašyŭ schłusić śvietu i prezidentu Amieryki adnosna situacyi na froncie: śćviardžaje pra nibyta zachop rasijcami Kanstancinaŭki na Danbasie. Viadoma, što heta niapraŭda — heta čarhovaja rasijskaja chłuśnia, kab zapuścić choć niejkuju navinu…!».
«Kali b Kanstancinaŭka sapraŭdy była pad kantrolem Rasii, to, napeŭna, u Pucina nie było b prablem sustrecca tam sa mnoj i znajści dypłamatyčnyja rašeńni, kab narešcie spynić vajnu. Ale jon usio ž nie pierasiakaje liniju frontu: praŭda vielmi adroźnivajecca ad słoŭ Pucina», — zaznačyŭ prezident Ukrainy.
Napiaredadni Rasija zajaviła pra zachop Kanstancinaŭki, u Hienštabie Ukrainy heta admaŭlajuć.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary
Russkij mir dieržitsia na totalnom vorovstvie i na totalnoj łži, vsio riešajetsia čieriez vorovstvo, obman, łoż i podkup.
V normalnoj stranie, eto, - vydumannaja žizń, v Rośsii, tak živut i inačie žiť nie umiejut i nie chotiat