Syn śpiavački Haliny Šyškovaj i byłoj zorki telebačańnia Jahora Chrustalova pajšoŭ pracavać na BT
Sioleta Ivan Chrustaloŭ skončyŭ žurfak BDU. Čatyry hady tamu jon kazaŭ, što płanuje zajmacca kino, a nie žurnalistykaj, ale ž ciapier chłopca možna pabačyć u efiry «Biełaruś 2».
Baćki ŭ Ivana zornyja. Jašče ŭ studenckija hady Jahor Chrustaloŭ staŭ viadoŭcam pieršaha biełaruskaha tok-šou — kažuć, prahramu «Karambol» raspracavali śpiecyjalna pad jaho.
U 1997‑m Chrustalova nazyvali seks-simvałam. Paźniej viadoŭca pierajšoŭ na ANT, dzie byŭ tvaram prahramy «Vybar».
Budučy ŭ šlubie, Chrustaloŭ zakruciŭ raman sa śpiavačkaj Halinaj Šyškovaj. Nieŭzabavie ŭ pary źjaviŭsia syn Vania. Viadučy pryznaŭ dzicia, ale z aficyjnaj siamji nie pajšoŭ. Ramantyčnyja adnosiny z Halinaj na hetym skončylisia.
U 2022 hodzie Ivan Chrustaloŭ pastupiŭ na žurfak BDU (nabraŭ 381 bał z 500 mahčymych). Tady ž ŚMI pisali, što chłopiec u budučyni płanuje zajmacca kino, a nie žurnalistykaj.
Niadaŭna Ivan Chrustaloŭ skončyŭ žurfak BDU — na ŭračystaje ŭručeńnie dypłomaŭ pryjšli jaho tata i mama.
A pracavać Ivan u vyniku pajšoŭ na BT — užo možna było pabačyć na «Biełaruś 2» jaho repartažy z roznych ajčynnych pradpryjemstvaŭ. Jon taksama byŭ reparcioram na śviatočnych mierapryjemstvach 9 Maja i 3 Lipienia.
Halina Šyškova z zachapleńniem demanstruje ŭryŭki siužetaŭ. Kaža, sama hladzić, zataiŭšy dychańnie. Ale trochi kryŭduje, što Ivan joj ničoha nie raspaviadaŭ pra svaju pracu: «Ujaŭlajecie, z synočkam žyvu, a synočak mnie ničoha nie pakazvaŭ, ničoha nie raskazvaŭ, što jon takoje rabiŭ».
Darečy, siastra Ivana — starejšaja dačka Jahora Chrustalova Maryja — taksama pracuje na BT televiadučaj i redaktarkaj. Letaś brat ź siastroj razam byli viadučymi cyrymonii adkryćcia mižnarodnaha kinafiestyvalu «Listapad».
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary