Vialikaja kolkaść znakamistaściaŭ u centry Manchetana.
Fota: Gregory Shamus/Getty Images
Ikona sučasnaj muzyki Tejłar Śvift i hulec u amierykanski futboł Trevis Kiełsi ažanilisia ŭ piatnicu, 3 lipienia, padčas raskošnaj cyrymonii, jakaja adbyłasia ŭ spartyŭnaj arenie Madison Square Garden. Infarmacyju paćvierdziŭ pradstaŭnik śpiavački, piša People.
«Viasielnyja ŭbory žanicha i niaviesty byli stvorany atelje Christian Dior Haute Couture. Ich raspracavaŭ Džonatan Andersan, kreatyŭny dyrektar žanočych, mužčynskich i kuturnych kalekcyj Dior, u ciesnym supracoŭnictvie z maładymi. Heta pieršaja viasielnaja sukienka ad Andersana dla znakamitaści suśvietnaha ŭzroŭniu. Abutak byŭ vyrableny na zakaz Christian Louboutin, a niaviesta nadzieła ŭpryhažeńni Cartier», — havorycca ŭ zajavie pradstaŭnika Śvift.
Pavodle zajavy, u pary nie było ni siabroŭki niaviesty, ni siabroŭ žanicha.
Brat Tejłar, Ościn Śvift, staŭ jaje «mužčynam honaru», a brat Trevisa, Džejsan Kiełsi, byŭ śviedkam z boku žanicha. Cyrymoniju, jakaja abjadnała dźvie siemji, pravioŭ ich siabar — akcior i komik Adam Sendler.
Paśla taho jak paru abviaścili mužam i žonkaj, na vialikich ekranach kala areny źjaviŭsia nadpis: «JUST&T MARRIED!» («Tolki što pažanilisia!»).
Modny dom Dior taksama paćvierdziŭ, što mienavita jon stvaryŭ viasielnyja vobrazy dla Tejłar i Trevisa, adznačyŭšy, što Džonatan Andersan i ŭvieś dom Dior vinšujuć maładych.
Na ŭračystaść u Ńju-Jorku pryjechała mnostva znakamitaściaŭ. Siarod haściej byli Džydžy Chadzid, Bredli Kupier, Dakota Džonsan, Ed Šyran, Eli Hołdynh, Chju Hrant, Džymi Fełan i mnohija inšyja.
Napiaredadni viasiella para praviała kamiernuju repietycyjnuju viačeru dla siamji i siabroŭ u teatry Infosys, raźmieščanym u kompleksie Madison Square Garden.
Na mierapryjemstva taksama pryjechali blizkija siabry pary, u tym liku Lena Danem, pradziusar i sonhrajtar Džek Antonaf i śpiavačka i aktrysa Sielena Homies.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak4
Kamientary
[Zredahavana]