Stała viadoma, čyj aŭtobus paciarpieŭ ad drona ŭ Branskaj vobłaści
Pad udar na biełaruska-rasijskaj miažy trapiŭ aŭtobus homielskaha pieravozčyka «Stalica» (TAA «FIDZI Ekspres»).
«Ničoha strašnaha nie adbyłosia. Usie cełyja, usio dobra!» Tak adreahavaŭ na zdareńnie dyrektar transpartnaj kampanii «Stalica» Kanstancin Dziehciaroŭ.
Na pytańnie čamu atakavany aŭtobus jechaŭ za 30 km ad ukrainskaj miažy, Dziehciaroŭ patłumačyŭ, što heta rehularny rejs, jaki aficyjna prachodzić pa hetym maršrucie.
U asnoŭnym «FIDZI Ekspres» śpiecyjalizujecca na dvuch kirunkach: rehularnyja rejsy Homiel—Maskva i siezonnyja maršruty letam na kurorty Čarnamorskaha ŭźbiarežža — Anapu, Hielendžyk i h.d.
U sacsietkach kampanija prapanoŭvała miescy sa źnižkaj, imavierna, praź nizki popyt.
Siońnia ŭ kampanii taksama byŭ rejs u Anapu, ale niaskončany. Na miažy RF i Biełarusi ŭ Čyrvonym Kamieni ŭ Branskaj vobłaści a 11:55 u škło aŭtobusa, jak pišuć rasijskija miedyja, prylacieŭ dron.
U aŭtobusie ŭ hety momant byli dva kiroŭcy i 19 pasažyraŭ. Kiroŭcy atrymali lohkija ranieńni. Im akazali dapamohu. Za imi i za pasažyrami vyjechała śpiechrupa, paviedamlaje telekanał «Mir».
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Homiel užie stoliciej stał?)