Hramadskaha aktyvista Jelisiejeva z Kalinkavičaŭ asudzili na 10 hadoŭ źniavoleńnia
Hramadskamu aktyvistu z Kalinkavičaŭ Alaksandru Jelisiejevu prysudzili 10 hadoŭ pazbaŭleńnia voli. Sud pryznaŭ jaho vinavatym pavodle artykułaŭ ab zdradzie dziaržavie i abrazie Alaksandra Łukašenki. Razhlad spravy prachodziŭ u zakrytym režymie, piša «Homielskaja viasna».
Pakul prysud nie ŭstupiŭ u zakonnuju siłu, Jelisiejeŭ zastajecca ŭ śledčym izalatary turmy № 4 u Mahilovie. Padrabiaznaści abvinavačvańniaŭ nie raskryvajucca.
Alaksandr Jelisiejeŭ — hramadski aktyvist i były člen Abjadnanaj hramadzianskaj partyi. Na praciahu mnohich hadoŭ jon udzielničaŭ u niezaležnym nazirańni za vybarami, publična krytykavaŭ parušeńni vybarčaha pracesu i nieadnarazova pryciahvaŭsia da administracyjnaj adkaznaści. Paśla padziej 2020 hoda jaho niekalki razoŭ zatrymlivali i aryštoŭvali, u tym liku ŭ 2022 hodzie, kali padčas adnaho z aryštaŭ jon trymaŭ haładoŭku.
Pavodle infarmacyi pravaabaroncaŭ, hetym razam Jelisiejeŭ byŭ zatrymany ŭ 2025 hodzie, a ŭ listapadzie taho ž hoda jaho pryznali palityčnym źniavolenym. Z-za zakrytaści sudovaha pracesu sutnaść abvinavačvańniaŭ pa jahonaj spravie zastajecca nieviadomaj.
Jelisiejeŭ pracavaŭ u avijacyjnaj pramysłovaści, skončyŭ Kijeŭski mižnarodny ŭniviersitet cyvilnaj avijacyi, pracavaŭ na avijabudaŭničych pradpryjemstvach Ukrainy, a paźniej u Biełarusi — prahramistam. Paśla palityčnaha aktyvizmu apošnich hadoŭ jon nie mieŭ narmalnaj pracy.
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary