Hramadskaha aktyvista z Kalinkavičaŭ abvinavačvajuć u «zdradzie dziaržavie»
U mahiloŭskaj turmie № 4 znachodzicca hramadski aktyvist z Kalinkavičaŭ Alaksandr Jelisiejeŭ. Jaho abvinavačvajuć u zdradzie dziaržavie (artykuł 356 KK) i abrazie Łukašenki (artykuł 368 KK). Pakul nieviadoma, jakija mienavita dziejańni pryznali «złačynstvami», a taksama kali i čamu jon byŭ zatrymany i čamu ŭtrymlivajecca mienavita ŭ Mahilovie, a nie ŭ Homieli, piša «Homielskaja Viasna».
Alaksandr Jelisiejeŭ raniej byŭ siabram ciapier likvidavanaj u Biełarusi Abjadnanaj hramadzianskaj partyi. Jon aktyŭna ŭdzielničaŭ u niezaležnym nazirańni za vybarami i krytykavaŭ parušeńni demakratyčnych pracedur, admaŭlaŭsia apłačvać palityčna matyvavanyja štrafy.
U 2020 hodzie i paźniej jaho nieadnarazova zatrymlivali i asudžvali na administracyjnyja aryšty. Padčas adnaho z takich aryštaŭ u lutym 2022 hoda jon abviaściŭ haładoŭku. Tady jaho zatrymali za piać dzion da pačatku poŭnamaštabnaha ŭvarvańnia rasijskich vojskaŭ va Ukrainu, jakija raźmiaščalisia pablizu Kalinkavičaŭ i Mazyra. Tady jaho abvinavacili ŭ drobnym chulihanstvie.
Jelisiejeŭ pracavaŭ u avijacyjnaj pramysłovaści, skončyŭ Kijeŭski mižnarodny ŭniviersitet hramadzianskaj avijacyi, pracavaŭ na avijabudaŭničych pradpryjemstvach Ukrainy, a paźniej u Biełarusi — prahramistam. Paśla palityčnaha aktyvizmu apošnich hadoŭ jon nie mieŭ narmalnaj pracy.
Pravaabaroncy: KDB sprabavaŭ vykarystać śviatara Akałatoviča, kab zavabić u pastku nuncyja
Žurnalista Paŭła Dabravolskaha abvinavacili ŭ «zdradzie dziaržavie»
Ratavalnika sa Śmiłavičaŭ asudzili da kałonii za Hajuna i «zdradu dziaržavie»
31‑hadovaha siłavika ź Bieraściejščyny abvinavačvajuć u padpolnaj pracy ŭ Krymie pa zadańni «Bajpoła»
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary