Lidar «Drazdoŭ» zajaviŭ, što čakaje aficyjnych vybačeńniaŭ ad homielskaj rajonki
Paśla paśpiachovaha kancerta hetaha papularnaha biełaruskamoŭnaha hurta na aficyjnym Dni Niezaležnaści ŭ Homieli redaktarka haziety «Majak» Viktoryja Futryna vystupiła ź mierkavańniem, jakoje idzie nasupierak «palitycy partyi».
Adkazvajučy na ŭłasnaje pytańnie «ci možna daravać zdradnikam», jana zajaviła: «daviarać tamu, chto adnojčy zdradziŭ, ja b užo nie stała». Taksama jana vykazała sumnievy, što ŭ «Drazdaŭ» chopić śmiełaści «stać na abaronu Radzimy», zaŭvažyŭ «Fłahštok».
Lidar hurta Vital Karpanaŭ paśla čarhovaha kancerta, jaki prajšoŭ 11 lipienia ŭ Maładziečnie, apublikavaŭ videa ź pieśniaj «Chataj baćkoŭ» i raźmiaściŭ na svaich staronkach u sacyjalnych sietkach post ź miakkaj reakcyjaj, imknučysia prademanstravać kanstruktyŭny padychod:
«Mnie dasłali rolik, dzie adno ź dziaržaŭnych ŚMI čarhovy raz nazvało hurt «Drazdy» zdradnikami… Tym časam na kancert hetych «zdradnikaŭ» siońnia pryjšło 2700 hledačoŭ! Kalehi, kali vy pierastaniecie žyć u paralelnaj realnaści? Pakul my čakajem aficyjnych vybačeńniaŭ ad hetaha ŚMI, pahladzicie, jak lubiać hetych chłopcaŭ prostyja biełarusy!»
U kamientaryjach kalektyŭ masava padtrymali. Naprykład, adzin z karystalnikaŭ pakinuŭ taki vodhuk: «Hurt «Drazdy» — samy lepšy hurt u Biełarusi, jaki niasie ŭ masy luboŭ da našaj biełaruskaj movy i luboŭ da našaj Radzimy, siniavokaj Biełarusi. Učora była na kancercie — heta prosta niezabyŭna. A chto piša pra ich brydoty, tyja sami zdradniki i chłusy. Pośpiechaŭ chłopcam i dziakuj za luboŭ da našaj Radzimy, da ludziej».
Na ranicu 13 lipienia redaktarka homielskaj rajonnaj haziety nie vydaliła i nie adredahavała svaju «kałonku» na sajcie «Majaka».
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
[Zredahavana]