Na Brasłaŭskich aziorach płanujuć pabudavać bujny retryt-centr White Lotus («Bieły łotas») — na terytoryi byłoj psichijatryčnaj balnicy «Słabodka» ŭ adnajmiennym ahraharadku, raskazvaje «Anłajnier».
Učastak płoščaj 12 hiektaraŭ zacisnuty pamiž tryma aziorami, sam kompleks paŭstanie na bierazie voziera Ilmionak u lesie, pobač — Nacyjanalny park «Brasłaŭskija aziory». Budynki balnicy (pabudovy 1950— 70‑ch hadoŭ, kala 20 karpusoŭ, amal 10 000 m²) niekalki hadoŭ tamu syšli z aŭkcyjonu za 231 000 rubloŭ adzinamu ŭdzielniku — kampanii «Ryŭjera Sieńjoren Rezidenc».
Prajekt retryt-centra robić biuro Pototskaya Architects. Poŭnaha rujnavańnia vyrašyli paźbiehnuć: avaryjnyja budynki demantujuć, tyja, što zachavalisia, — rekanstrujujuć. Na miescy hałoŭnaha korpusa pabudujuć novy hramadski budynak — kampazicyjny centr kompleksu sa spa, basiejnam i restaranam zdarovaha charčavańnia.
Architektura — strymanaja, minimalistyčnaja, u šerych tanach, z klinkiernaj cehłaj, drevam i panaramnym zaškleńniem, kab spałučacca z pryrodaj.
Pieršymi pabudujuć 20 modulnych damkoŭ na dvuch haściej u styli džapandzi (sumieś japonskaha minimalizmu i skandynaŭskaj utulnaści) — biez kuchniaŭ (charčavańnie ŭvachodzić u prahramu detoksu), z panaramnym aknom u dušavoj i rassoŭnymi šklanymi pieraharodkami da terasy. Usiaho kompleks raźličany na 160 haściej.
Reljef ź pierapadam vyšyń bolš za 20 m padzialili na dźvie zony: dzikuju lasnuju (paŭdniovuju, amal niekranutuju) i adkrytuju. Płanujuć ściežki dla roznych orhanaŭ pačućciaŭ — sad z duchmianymi travami i čajnym pakojem, sensarnuju ściežku z roznymi fakturami, a taksama viarovačny haradok, skaładrom i zony vuličnaha masažu. Centr chočuć upisać u turystyčnuju infrastrukturu rehijona (pachody, vodnyja maršruty, konnyja prahułki).
Kancepcyja i dazvoły hatovy, prajekt uklučany ŭ dziaržprahramu raźvićcia turyzmu i atrymaŭ premiju KUKHA 2026.
Modulnyja damy (pieršaja čarha budaŭnictva) płanujuć zdać u krasaviku 2027 hoda. A hramadskija budynki (druhaja čarha) — prykładna ŭ 2029 hodzie.
-
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
-
Na rendarach — adno, u realnaści — inšaje. Žychary minskaha «Paŭnočnaha bieraha» źbiantežanyja vyhladam svajho dvara
-
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary