Na Homielščynie znajšli pareštki ŭkrainskich sałdat, jakija zahinuli ŭ 1941 hodzie
Udzielniki abłasnoha hramadskaha pošukavaha abjadnańnia «Nikoli nie zabudziem» na Marjinskich vyšyniach u Dobrušskim rajonie znajšli pareštki niekalkich bajcoŭ. Dapamoh nabyty zdymak niamieckaj aerafotazdymki hetaj miascovaści, piša «Fłahštok».
Nałažyŭšy staroje fota na sučasny spadarožnikavy zdymak, z dapamohaj admysłovaj kampjutarnaj prahramy ŭdałosia vyznačyć miescy varonak ad avijabombaŭ i artyleryjskich snaradaŭ. Pry ich adpracoŭcy i byli zrobleny znachodki, paviedamiła rajonnaja hazieta «Dobrušski kraj».
Pieršymi trapilisia strelanyja hilzy, elemienty armiejskaj amunicyi. Na hłybini 50—60 santymietraŭ pakazalisia pareštki bajca, pobač znajšoŭsia pienał śmiarotnaha miedaljona.
Zatym znajšli pareštki inšych bajcoŭ i jašče adzin miedaljon. Heta niebyvałaja ŭdača, adznačyli pošukaviki, pakolki sałdaty zahinuli ŭ pieršy hod vajny, kali zapaŭniać listki miedaljona i nasić jaho z saboj ličyłasia drennaj prykmietaj.
Znachodki pieradali 52‑mu asobnamu śpiecyjalizavanamu pošukavamu bataljonu. Tam pakul identyfikavali dvaich sałdat: Kanstancin Cimafiejevič Radzanoŭski, 1921 hoda naradžeńnia, horad Korap Čarnihaŭskaj vobłaści, vulica Bierahavaja, dom 33. Druhi bajec akazaŭsia vychadcam z Pałtaŭskaj vobłaści Ukrainskaj SSR ź vioski Vialikaja Paŭłaŭka: Mikałaj Ivanavič Kiškar, 1921 hoda naradžeńnia, u śpisach strat značycca źnikłym bieź viestak.
Praca nad identyfikacyjaj pareštkaŭ treciaha sałdata jašče nie zavieršana. Hetuju infarmacyju paćvierdziŭ pošukavik Alaksandr Śnitko i apublikavaŭ na svajoj staroncy fota dakumientaŭ zahinułych, čyje asoby vyznačany.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary