«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Na feście Tutaka pad Biełastokam Śviatłana Cichanoŭskaja raskazała, što dzieci ŭžo viarnulisia z Amieryki da jaje, pažyŭšy niejki čas z baćkam.
«Siarhiej dapamoh ź imi časova, uziaŭšy adkaznaść za dziaciej na siabie. Ale chutka paškadavaŭ, bo heta nialohka (paśmichajecca). Ale na hety čas ja adčuła siabie takoj volnaj!
Bo zaraz ja tut i dumaju ci pajeli jany, ci nie pazabivali adzin adnaho. Treba telefanavać i pytacca, jak jany. Ale maje śpinahryzy sa mnoj.
I z tatam pastajanna na suviazi anłajn», — raskazała Cichanoŭskaja.
U Śviatłany i Siarhieja Cichanoŭskich dvoje dziaciej — Karniej i Ahnija, im adpaviedna 16 i 10 hadoŭ. Pakul Siarhiej Cichanoŭski byŭ u źniavoleńni ŭ Biełarusi, jany žyli z maci ŭ Vilni, a paśla taho, jak Siarhiej u červieni 2025 hoda vyjšaŭ i nieŭzabavie źjechaŭ u ZŠA, jon zabraŭ ich na niekalki miesiacaŭ da siabie.
Kamientary