«Zaściłajcie łožak». Dzianis «Redzis» Prakapienka adkamientavaŭ zvalnieńnie Fiodarava mietafaryčna
Uładzimir Zialenski ŭstaŭ na bok hałoŭnakamandujučaha ŭkrainskaj armijaj Alaksandra Syrskaha ŭ sprečcy taho z maładym, papularnym i ambitnym ministram abarony Michaiłam Fiodaravym. U hetaj situacyi ŭvahu źviartajuć reakcyi samych aŭtarytetnych kamandziraŭ ukrainskaj armii.
Ukrainskaja armija, jakaja baronić Jeŭropu ad rusafašystaŭ, nie moža dazvolić sabie ŭnutranaha razładu. Kanflikt Fiodarava z Syrskim u hetym sensie šmat kaho ŭstryvožyŭ.
Dziejnaść Michaiła Fiodarava vysoka acaniŭ Dzianis Prakapienka — papularny kamandzir 1‑ha korpusa Nacyjanalnaj hvardyi Ukrainy «Azoŭ». Jon staŭ viadomy, kali kiravaŭ abaronaj Maryupala.
«Za davoli karotki termin Michaił Fiodaraŭ na pasadzie ministra abarony zmoh realizavać šmat važnych krokaŭ, jakija ŭzmacnili abaranazdolnaść našaj dziaržavy i asłabili vajennyja mahčymaści voraha. Ja chaču padziakavać jamu za vykananuju pracu i paśladoŭnuju dziaržaŭnickuju pazicyju, jakoj jon prytrymlivajecca va ŭsim, čym zajmajecca», — napisaŭ Dzianis Prakapienka.
Prakapienka adznačyŭ važnaść «naładzić pracesy, kab navieści paradak u pytańni z mabilizacyjaj i pracaj TCK — adnym z krytyčnych dla našaha vojska na siońniašni dzień».
Pry hetym Prakapienka krytyčna adreahavaŭ i na abvinavačvańni ŭ «savieckaści», jakija hučać ad prychilnikaŭ Fiodarava na adras hałoŭnakamandujučaha USU hienierała Alaksandra Syrskaha i ministra ŭnutranych spraŭ Ukrainy Ihara Klimienki.
Jon dadaŭ: «I apošniaje nakont hetaha. Radžu ŭsim krytykam «savieččyny», jakija marać dakranucca choć by adnoj fałanhaj svaich palcaŭ da standartaŭ NATA, pračytać knihu admirała Vajskova-marskich sił ZŠA Viljama Makrejviena «Zaściłajcie łožak», jakuju kaliści ŭ dalokim 2017 hodzie kultyvavaŭ u «Azovie». Tak, u «Azovie» taksama isnuje dyscyplina — u nas taksama zaściłajuć łožki i čyściać zuby.
1‑y korpus NHU «Azoŭ» praciahvaje vykonvać pastaŭlenyja bajavyja zadačy, front nie ŭpadzie».
Tak mietafaryčna bryhadny hienierał Dzianis Prakapienka nahadaŭ pra toje, što ŭ situacyi zmahańnia hałoŭnaje, — dyscyplina i paradak. Jaho słovy hučać jak zaklik da zachavańnia adzinstva i adzinanačalla.
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Stała viadoma, kaho Zialenski choča pryznačyć ministram abarony. Ale jaho treba jašče zvolnić z vojska
Zialenski prapanavaŭ novuju pasadu byłomu ministru abarony, ale toj admoviŭsia
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
Namieśnik kamandujučaha ŭkrainskich VPS padaŭ u adstaŭku praz zvalnieńnie ministra abarony
Ciapier čytajuć
U stalicy zdajecca studyja płoščaj 15 mietraŭ. A što, užo i takija byvajuć?1
U stalicy zdajecca studyja płoščaj 15 mietraŭ. A što, užo i takija byvajuć?
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary