Akcioru z «Doma Cmoka», jaki hraje adnaho z samych žorstkich piersanažaŭ, ludzi sastupajuć darohu ŭ hramadskich miescach
29‑hadovy aktor Juen Mitčeł vykonvaje rolu Ejmanda Tarharyjena ŭ sieryjale «Dom Cmoka» z 2022 hoda. Heta adzin z samych žorstkich piersanažaŭ sieryjała, tamu i ŭ realnym žyćci ludzi ŭsprymajuć akciora z naściarohaj.
«Byvała, što ludzi prosta sastupali mnie darohu», — raspaviadaje jon People pra reakcyju fanataŭ.
Jon zhadvaje vypadak, jaki zdaryŭsia paru hadoŭ tamu: «Mnie treba było terminova dabracca z adnaho kanca aeraporta ŭ inšy». U toj čas jakraz tranślavaŭsia druhi siezon.
«Pamiataju, jak ja pieražyvaŭ: «Boža moj, mnie treba apynucca na inšym baku aeraporta mienš čym za piać chvilin». I ja praktyčna nie sustreŭ pieraškod na svaim šlachu, — kaža Juen Mitčeł. — Tamu što ludzi prosta spynialisia i hladzieli na mianie, pakul ja bieh mima».
«Kali sumniavajusia i treba kudyści chutka dabracca, [ja prosta nadziavaju paryk Ejmanda]», — žartuje aktor.
Ejmand u trecim siezonie, premjera jakoha adbyłasia ŭ červieni 2026 hoda, pužaje hledačoŭ nie mienš, čym u papiarednich častkach.
U pieršaj sieryi jon pacałavaŭ svaju maci, Alisientu (Alivija Kuk), u vielmi napružany momant.
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej2
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary
[Zredahavana]