Zialenski pravioŭ kansultacyi z kamandzirami karpusoŭ i doŭha razmaŭlaŭ ź Fiodaravym. Fiodaraŭ: Dyjałoh jość, vieru, što ŭsio ŭdasca
Ludzi na fota nižej — kamandziry karpusoŭ, za kožnym ź jakich zamacavany kavałak linii abarony ad rusafašystaŭ. Ź imi siońnia havaryŭ prezident Ukrainy, šukajučy vyjście z kanfliktu hałoŭnakamandujučaha, hienierała Syrskaha, i papularnaha maładoha ŭžo byłoha ministra abarony Fiodarava.
«Siońnia razam z Paŭłam Palisam praciahnuli kamunikavać z kamandzirami karpusoŭ, jakija abaraniajuć zaraz najbolš intensiŭnyja častki frontu, — napisaŭ Uładzimir Zialenski ŭ svaim telehramie. — Byli na suviazi bryhadny hienierał Dźmitryj Vałošyn, kamandzir 8‑ha korpusa DŠV, hienierał-major Arciom Bahamołaŭ, kamandzir 10‑ha armiejskaha korpusa, bryhadny hienierał Alaksiej Majstrenka, kamandzir 11‑ha armiejskaha korpusa, bryhadny hienierał Jaŭhien Łasijčuk, kamandzir 7‑ha korpusa chutkaha reahavańnia DŠV, bryhadny hienierał Śviatasłaŭ Zaic, kamandzir 20‑ha armiejskaha korpusa, i bryhadny hienierał Jarasłaŭ Sidaraŭ, kamandzir 17‑ha armiejskaha korpusa. Chłopcy, udziačny ŭsim za źmiastoŭnyja dakłady».
«Asabliva chaču padziakavać bryhadnamu hienierału Vałošynu za prapanovy maštabavańnia ŭ karpusach toj pracy, jakaja ŭžo daje vyniki na ŭzroŭni bryhad, pa dapracoŭcy srodkaŭ i ŭłasnaj vytvorčaści. Udziačny bryhadnamu hienierału Majstrenku za detalizacyju mnohich techničnych prablem i źmiastoŭnaje apisańnie tych składanaściaŭ, jakija jość na kirunku i pavinny być vyrašany. Dziakuju bryhadnamu hienierału Sidaravu za absalutna vyraznaje bačańnie krokaŭ, rašeńniaŭ i pastavak, jakija patrebny na jaho kirunku. Budziem zabiaśpiečvać vyniki. Słava Ukrainie!»
U inšym paviedamleńni Uładzimir Zialenski dadaŭ: «Učora i siońnia było šmat kansultacyj. Viadoma, ja čuju, što kažuć ludzi. Doŭha havaryŭ siońnia ź Michaiłam Fiodaravym. Ja havaryŭ siońnia taksama z Alaksandram Syrskim. Rašeńni pa vojsku buduć napracavanyja», — napisaŭ jon.
U svaju čarhu, były ministr abarony Ukrainy Michaił Fiodaraŭ u svaim telehram-kanale pakinuŭ karotki zapis:
«Źmieny abaviazkova buduć.
Vy mnie dziakavali za «Mriju» i «Diju». Ad siabie dziakuju za nadzieju.
Takoj adkaznaści nie adčuvaŭ navat na ŭradavych pasadach.
Dziakuju vieteranam i vajskoŭcam za toje, što trymajecie front i honar.
Dyjałoh jość. Vieru, što ŭsio ŭdasca».
Zialenski razhladaje zamienu Syrskaha
«Zaściłajcie łožak». Dzianis «Redzis» Prakapienka adkamientavaŭ zvalnieńnie Fiodarava mietafaryčna
Michaił Fiodaraŭ paćvierdziŭ, što pryčyna jaho adstaŭki — kanflikt z hałoŭnakamandujučym USU Syrskim
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
Ciapier čytajuć
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Ošibajutsia vsie, no nie vsie umiejut priznavať i ispravlať ich.