Iryna Dundukova doŭhi čas pracavała ŭ śfiery rekłamy i manitorynhu ŚMI pamiž Biełaruśsiu i Rasijaj. Ale niadaŭna joj vynieśli prysud za «sadziejničańnie ekstremisckaj dziejnaści».
Irynie Dundukovaj 39 hadoŭ. Jana rodam ź Mścisłava, što ŭ Mahiloŭskaj vobłaści, adnak značnuju častku žyćcia praviała ŭ Maskvie. U 2011 hodzie jana skončyła humanitarny fakultet Maskoŭskaj finansava-jurydyčnaj akademii (MFIUA) pa śpiecyjalnaści «rekłama».
Doŭhi čas Iryna pracuje kantent-mieniedžarkaj, redaktarkaj i śpiecyjalistkaj pa manitorynhu ŚMI. Jana zajmałasia napaŭnieńniem sajtaŭ, stvareńniem fota– i videaarchivaŭ, a taksama analitykaj sacyjalnych sietak. U kancy 2023 hoda Iryna nabyła ščaniuka parody korhi-kardyhan pa mianušcy Foksi, pra jakoha šmat pisała ŭ telehram-čatach sabakavodaŭ.
Iryna pisała ŭ sacsietkach, što žyła ŭ pryvatnym domie ŭ Padmaskoŭi, pracavała doma i pieryjadyčna jeździła ŭ Biełaruś da baćkoŭ.
Jaje zatrymali, padobna, padčas adnoj z pajezdak u Biełaruś. Mahiloŭski abłasny sud vynies Irynie Dundukovaj prysud pavodle častak 1 i 2 artykuła 361‑4 Kryminalnaha kodeksa Biełarusi, sadziejničańnie ekstremisckaj dziejnaści.
Žančynie prysudzili chatniuju chimiju.
«Naša Niva» — bastyjon biełaruščyny
PADTRYMAĆCiapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary