Dzie ŭ Biełarusi budzie bačna najlepš?
NASA apublikavała kartu soniečnaha zaćmieńnia, jakoje adbudziecca 12 žniŭnia. Poŭnaja faza budzie bačnaja ŭ vuzkaj pałasie, jakaja prachodzić praz poŭnač Rasii, Hrenłandyju, Isłandyju, Atłantyčny akijan, Ispaniju i nievialiki ŭčastak Partuhalii.
Pakolki Biełaruś znachodzicca za jaje miežami, žychary krainy ŭbačać tolki častkovuju fazu. U roznych častkach Biełarusi zaćmieńnie budzie vyhladać pa-roznamu. Čym zachodniej znachodzicca naziralnik, tym bolšuju častku soniečnaha dyska zakryje Miesiac.
Pavodle danych Timeanddate.com — mižnarodnaha anłajn-servisu, jaki publikuje danyja pra čas, pajasy i astranamičnyja źjavy, u tym liku raźliki i karty zaćmieńniaŭ, — u Minsku, Hrodnie, Barysavie zakryje kala 68% płoščy soniečnaha dyska.
U Minsku zaćmieńnie pačniecca prykładna ŭ 20:10, a maksimalnaja faza nastupić kala 20:42. Da hetaha času Sonca ŭžo budzie znachodzicca nizka nad haryzontam.
Tamu dla nazirańnia lepš vybrać miesca, adkul dobra bačnaja zachodniaja častka haryzontu i ahlad nie pierakryvajuć damy, drevy abo inšyja pieraškody.
Kamientary