U Minsku chutka źniknie jašče adzin zakutak pryvatnaha siektara. Tut pabudujuć žyllovy kompleks
Hetyja staryja chaty pobač z hipiermarkietam «Karona» daŭno čakali svajho času. A ciapier, zdajecca, praces pajšoŭ. Telehram-kanał «Minsk i minčanin» zaŭvažyŭ, što vyspa pryvatnaha siektara ŭ rajonie vulic Kalvaryjskaj i Tanka pierajšła ŭ stadyju raśsialeńnia. Žurnalisty Realt.by pabyvali na miescy i paćviardžajuć: znos sapraŭdy pačaŭsia.
Siońnia viaskovyja chaty na fonie vielizarnaha hipiermarkieta i šmatpaviarchovikaŭ vyhladajuć davoli kantrasna. Raniej ža ŭsiu hetuju terytoryju, ad jakoj zastalisia tolki dźvie nievialikija vułki, zajmaŭ pryvatny siektar.
Bolšaść damoŭ u Słaŭnym zavułku i na vulicy Maksima Tanka ŭžo raźvitalisia sa svaimi ŭładalnikami. Budynki stajać z zabitymi voknami abo ŭvohule bieź ich. Usio kaštoŭnaje, u tym liku i budaŭničyja materyjały z razborki siadzib, haspadary imknucca vyvieźci da pačatku maštabnych rabot.
Niejkaje padabienstva žyćcia cieplicca tolki ŭ niekatorych chatach. Dy i tam — nie žyvuć, a źbirajuć apošnija rečy. Z karotkaj razmovy ź miascovymi žycharami žurnalisty daviedalisia, što kampiensacyju za svaje damy jany ŭžo atrymali i ciapier pieravoziać majomaść.
Što ž pabudujuć na miescy pryvatnaha siektara? Sam pa sabie hety ŭčastak nie vielmi vialiki, ale łakacyja ŭ jaho — šykoŭnaja. Pobač — mietro, kramy, stancyja elektryčki, a da Niamihi možna dajści pieššu. Niadziŭna, što na hety kutok u horadabudaŭnikoŭ daŭno byli płany.
Praŭda, kali hadoŭ 10 tamu havorka išła pra budaŭnictva ofisaŭ, to ciapier źjaviłasia infarmacyja (miascovyja žychary jaje taksama paćvierdzili), što na miescy starych chat pabudujuć žyllo.
Jak pisaŭ telehram-kanał «Litovskaja o žilje», u rajonie Kalvaryjskaj — Cimirazieva moža źjavicca kompleks šmatpaviarchovikaŭ z «fantastyčnymi viežami». Pry hetym u aficyjnych krynicach nijakich paviedamleńniaŭ pra novaje budaŭnictva nie było. Na kadastravaj karcie status ziamielnych učastkaŭ taksama pakul nie źmianiŭsia.
Absiervatoryja Minskaha płanietaryja amal hatovaja da ŭvodu paśla rekanstrukcyi
Skončyli budaŭnictva Nacyjanalnaha histaryčnaha muzieja
U Minsku ciapier budujucca šeść novych handlovych centraŭ. Što za jany?
Vy nie paznajecie rajona płoščy Pieramohi. Tam źjavicca piešachodnaja vulica i niezvyčajny tramvaj
Chutkasnaje čyhunačnaje złučeńnie dazvolić dajechać ź Minska da aeraporta za 30 chvilin
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku4
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary
Zakutak — heta ciomny abo ciesny kut, a taksama hłuchoje ci addalenaje miesca.
Značeńni słova Ciomny ci ciesny kut: nievialikaja abo skrytaja prastora ŭ pakoi ci budynku
Hłuchoje, addalenaje miesca: kutnik, dzie mała ludziej, ci cichaja adlehłaść.
Hramatyčnyja formyRodny skłon: zakutkaMnožny lik: zakutki (rodny skłon: zakutkaŭ)[Red. — Dziakuj, vypravili]
[Zredahavana]