Siezon sielskahaspadarčych kirmašoŭ startuje ŭ Minsku 19 vieraśnia
Dzie jany buduć pravodzicca?
Siezon vosieńskich sielskahaspadarčych kirmašoŭ startuje ŭ Minsku 19 vieraśnia. Pra heta raspaviała načalnica hałoŭnaha ŭpraŭleńnia handlu i pasłuh Minharvykankama Alena Nahornaja, piša BiełTA.
Jak adznačyła Alena Nahornaja, sielskahaspadarčyja kirmašy ŭ Minsku tradycyjna pačnucca paśla śviatkavańnia Dnia horada.
«Pravodzicca jany buduć da 6 śniežnia: umovy nadvorja, jak praviła, dazvalajuć handlavać aharodninnaj pradukcyjaj da pieršych marazoŭ. Asnoŭnaj stanie placoŭka kala «Čyžoŭka-Areny» na vuł. Taškienckaj, 19. Taksama trojčy za kirmašovy siezon dla zručnaści haradžan, jakija nie zmohuć dabracca da łakalnych kirmašoŭ, pašyrany handal sielskahaspadarčaj pradukcyjaj budzie ažyćciaŭlacca kala Pałaca sportu 19—20 vieraśnia, 10—11 kastryčnika i 13—14 listapada», — raspaviała Alena Nahornaja.
Kirmašovy handal razhorniecca taksama ŭ kožnym administracyjnym rajonie stalicy.
U Zavodskim rajonie hałoŭnaj placoŭkaj dla vosieńskaha sielskahaspadarčaha kirmašu stanie aŭtastajanka kala TC SIMAX na vuł. Nieścierava, 49.
U Leninskim rajonie siezonny kirmaš adkryjecca ŭ rajonie haściavoj parkoŭki na praśpiekcie Rakasoŭskaha, 114.
U Maskoŭskim rajonie handal sielskahaspadarčaj pradukcyjaj razhorniecca na placoŭcy na vuł. Ja. Bryla, kala doma № 5.
U Kastryčnickim rajonie — na placoŭkach na vuł. Čkałava, 7, a taksama ŭ mikrarajonie «Sokał» na vuł. Baramzinoj, 10a (pa subotach).
U Partyzanskim rajonie — na bulvary Traktarabudaŭnikoŭ (dni pracy — 19—20 vieraśnia, 3—4 i 17—18 kastryčnika, 31 kastryčnika — 1 listapada, 7—8 i 21—22 listapada, 5—6 śniežnia), na vuł. Karvata, 4 (26—27 vieraśnia, 24—25 kastryčnika, 28—29 listapada), na vuł. Pulichava, 15 (10—11 kastryčnika, 14—15 listapada), na vuł. Filimonava, 13/1 (10—11 kastryčnika, 14—15 listapada).
U Pieršamajskim rajonie — na vuł. Rusijanava, 1.
U Savieckim rajonie — placoŭka ŭ Parku družby narodaŭ.
U Frunzienskim rajonie — placoŭka kala Ladovaha pałaca sportu Minskaj vobłaści na vuł. Prytyckaha, 27.
U Centralnym rajonie — kala kinateatra «Kijeŭ» na vuł. Kachoŭskaj, 31.
Čas pracy kirmašoŭ — z 10:00 da 16:00.
-
Niekalki vyzvalenych palitviaźniaŭ praviali svoj pieršy viečar na voli ŭ vilenskaj biełaruskaj karčmie «1863» FOTAFAKT
-
Źmieniacca praviły pracy kantraloraŭ u hramadskim transparcie
-
Litoŭskaja stamatałohija za hadzinu adhuknułasia dapamahčy biełarusam. Nieviadomyja historyi pieršaha dnia vyzvalenych palitviaźniaŭ
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary