Polšča praduchiliła ataku na svoj pamiežny pierachod, atrymała ad CRU papiaredžańnie pra mahčymaje raźvićcio padziej u nastupnyja miesiacy
Polšča ŭ noč na 10 vieraśnia praduchiliła pahrozu dla adnaho sa svaich pamiežnych pierachodaŭ na miažy z Ukrainaj. Pra heta zajaviŭ premjer-ministr Polščy Donald Tusk.
Polski premjer nahadaŭ, što Rasija ŭžo ździajśniała pravakacyjnyja ataki na pamiežnyja pierachody, u pryvatnaści ŭ Małdovie. Jon zajaviŭ, što Polšča čakaje padobnych dziejańniaŭ u dačynieńni da pamiežnych pierachodaŭ z Ukrainaj i ŭ inšych krainach, u tym liku ŭ samoj Polščy.
Nie ŭdakładniajučy, pra jakuju mienavita niepasrednuju pahrozu išła havorka ciapier, jon adznačyŭ, što praduchilić jaje ŭdałosia dziakujučy supracoŭnictvu polskich i ŭkrainskich uładaŭ.
Tusk taksama paviedamiŭ, što atrymaŭ ad CRU «davoli dakładnuju spravazdaču» pra mahčymyja padziei ŭ najbližejšyja miesiacy. Pavodle jaho, Polšča i Jeŭropa pavinny być hatovyja da roznych varyjantaŭ raźvićcia situacyi, źviazanych nie tolki z bajavymi dziejańniami na rasijska-ŭkrainskim froncie, ale i z abstanoŭkaj uzdoŭž uschodniaha fłanhu Jeŭrapiejskaha sajuza.
Rasija pakul nie kamientavała zajavy polskaha premjer-ministra.
Kamientary
[Zredahavana]