Roźnica pamiž hałami 13 hadoŭ.
Matč «Słavija» — «Łans» u Lizie čempijonaŭ padaryŭ cikavy siužet. Na 88‑j chvilinie francuzy prapuścili, lik staŭ 2:1, i haspadary ŭžo rychtavalisia śviatkavać pieramohu. Ale na 91‑j chvilinie lik zraŭniaŭ 33‑hadovy Fłaryjan Taven, piša sports.ru.
Taven pačynaŭ u «Marseli», niaŭdała źjeździŭ u «Ńjukasł», viarnuŭsia na Błakitny bierah, zatym adpraviŭsia ŭ mieksikanski «Tyhres», zaśviaciŭsia va «Udyneze» i letaś viarnuŭsia na radzimu, kab vyvieści «Łans» u Lihu čempijonaŭ.
Ale cikava inšaje: hety hoł staŭ druhim u karjery Fłaryjana ŭ hałoŭnym jeŭrakubku. A z papiaredniaha prajšło amal 13 hadoŭ, a dakładniej — 4691 dzień. Tady Taven adpraviŭ miač u sietku varot «Napali».
Ale samaje cikavaje, što heta nie rekord pa časovym pramiežku pamiž zabitymi hałami ŭ Lizie čempijonaŭ. Francuza apiaredžvaje Marka Arnautavič. Pamiž jaho hołam za «Vierder» u varoty «Intera» ŭ 2010 hodzie i miačom u varoty «Bienfiki» ŭ 2023‑m (za «Inter», što asabliva paciešna) prajšło 4740 dzion!
Ale vierniemsia ŭ Prahu. Zabiŭšy na 91‑j chvilinie, Taven nie tolki zraŭniaŭ lik, ale i demaralizavaŭ supiernika. Čechi pasypalisia i praź niekalki chvilin prapuścili ad jašče adnaho 33‑hadovaha vieterana ŭ składzie «Łansa» — Rubiena Ahiłara.
Ciapier čytajuć
Stała viadoma pra śmierć doŭhažycharki Maryi Kananovič z Vałožynščyny, jakoj pa pašparcie byŭ 121 hod4
Kamientary