Raman aŭtara biestsieleraŭ Džona Hryna vyjdzie pa-biełarusku ŭ dzień suśvietnaj premjery
Vydaviectva Gutenberg Publisher zaklučyła kantrakt na vydańnie pa-biełarusku novaha ramana «Halivud, finał» Džona Hryna.
Aŭtar biestsieleraŭ dla dziaciej i padletkaŭ viartajecca ź pieršym ramanam dla darosłych. Biełaruskaja viersija ramana ŭ pierakładzie Maryny Dzierhačovaj vyjdzie ŭ dzień suśvietnaj premjery, piša bellit.info.
U centry tvora — historyja kachańnia dvaich aktoraŭ, Kaja i Džunipier. Pačućci naradžajucca na zdymačnaj placoŭcy i prachodziać vyprabavańnie publičnaściu, kali film ź ich udziełam «Endzi Uorchał nikoli nie stareje» vyklikaje šalony rezanans.
Sam Džon Hryn havoryć, što «heta kniha pra toje, jak prajści praz kachańnie i stratu, budučy častkaj dziŭnaha, składanaha abmienu ŭvahaj i traŭmami ŭ sacsietkach, jakija pierastali być čymści pryznačanym tolki dla kinazorak».
Suśvietny vychad 22 vieraśnia. Vychad ramana zapłanavany: na anhlijskaj (aryhinał), na biełaruskaj, bałharskaj, katałonskaj, češskaj, hałandskaj, dackaj, finskaj, francuzskaj, niamieckaj, vienhierskaj, italjanskaj, polskaj, partuhalskaj, rumynskaj, słavackaj, słavienskaj, ispanskaj i šviedskaj.
Džon Hryn — amierykanski piśmieńnik, najbolš viadomyja jaho ramany «Vinavatyja zorki», «Papiarovyja harady», «U pošukach Alaski», «Čarapachi i niama im kanca».
-
Vyjšaŭ dapoŭnieny raman Alesia Paškieviča pra Duboŭku
-
«Treba kryčać, što my jość, my byli i praciahvajem isnavać». Teatralny krytyk Nastaśsia Pankratava — pra svaju knihu i biełaruski teatr da i paśla 2020 hoda
-
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary