«U domie žyvuć u asnoŭnym piensijaniery, ałkašy». Hamialčuk pradaje kvateru, nie chavajučy ŭsich niuansaŭ
Vydańnie «Mocnyja naviny» znajšło na «Kufry» niezvyčajnuju abjavu pra prodaž kvatery na Vałhahradskaj vulicy ŭ Homieli. Za dvuchpakajoŭku ŭ 44 «kvadraty» z kaśmietyčnym ramontam pradaviec prosić usiaho 37 tysiač dalaraŭ. Pry hetym mužčyna sumlenna raskazaŭ pra ŭsie asablivaści hetaha žylla.
U domie ŭ 2015‑m zrabili kapitalny ramont, a ŭ samoj kvatery i na bałkonie pastaŭlenyja płastykavyja vokny. Čamu ž tak tanna? Pradaviec nie staŭ chavać i vykłaŭ usio jak jość.
«U domie žyvuć u asnoŭnym piensijaniery, ałkašy i tyja, chto zdymaje žyllo, tamu zaŭsiody jość miescy na parkoŭcy kala doma.
Piensijaniery i ałkašy cichija — nie miełamany, tamu ŭ kvatery susiedziaŭ nie čuvać. Unačy cicha. Dom znachodzicca nie kala prajeznaj častki.
Jość padvał — ale nie karystajusia, bo tam pacuki.
Dziciačyja samakaty i rovary zachoŭvajucca ŭ padleśvičnaj prastory na ŭvachodzie ŭ padjezd. Incydentaŭ sa źniknieńniem nie było.
Pa ŭsim domie prusaki. Chavać niama sensu, bo ich možna sustreć na vulicy kala doma, u padjeździe, dy i kožny žychar doma heta adrazu raskaža, kali ŭ jaho pra heta spytać.
Za košt hetaha cana nižejšaja za siaredniuju.
Siemjam z maleńkimi dziećmi nie padydzie, bo ałkašy pastajanna buchajuć uletku pad padjezdam, zimoj u padjezdach, pałochajučy dziaciej. Milicyja i kamiery nad padjezdami ich nijak nie pałochajuć», — papiaredžvaje mužčyna.
U rajonie minskich vulic Haja i Arłoŭskaj pačali znosić pryvatny siektar
«Dapamažycie, nichto nie choča nas zasialać». Minčanka paškadavała siamju i trapiła na «akupantaŭ»
Čornyja paŭzučyja istoty atakujuć šmatkvaternyja damy ŭ Maładziečnie
Ryełtar pakazaŭ kvateru, jakuju pradali za 80 tysiač dalaraŭ. Biełarusy ŭrazilisia
Kamientary
Znoŭ ža traplaje ŭ tarhiet-aŭdytoryju: navokał cichija ałkašy, što nie bajacca kamier = milicyja padzabiła na hetuju łakacyju.