«У доме жывуць у асноўным пенсіянеры, алкашы». Гамяльчук прадае кватэру, не хаваючы ўсіх нюансаў
Выданне «Моцныя навіны» знайшло на «Куфры» незвычайную аб'яву пра продаж кватэры на Валгаградскай вуліцы ў Гомелі. За двухпакаёўку ў 44 «квадраты» з касметычным рамонтам прадавец просіць усяго 37 тысяч даляраў. Пры гэтым мужчына сумленна расказаў пра ўсе асаблівасці гэтага жылля.
У доме ў 2015‑м зрабілі капітальны рамонт, а ў самой кватэры і на балконе пастаўленыя пластыкавыя вокны. Чаму ж так танна? Прадавец не стаў хаваць і выклаў усё як ёсць.
«У доме жывуць у асноўным пенсіянеры, алкашы і тыя, хто здымае жыллё, таму заўсёды ёсць месцы на паркоўцы каля дома.
Пенсіянеры і алкашы ціхія — не меламаны, таму ў кватэры суседзяў не чуваць. Уначы ціха. Дом знаходзіцца не каля праезнай часткі.
Ёсць падвал — але не карыстаюся, бо там пацукі.
Дзіцячыя самакаты і ровары захоўваюцца ў падлесвічнай прасторы на ўваходзе ў пад'езд. Інцыдэнтаў са знікненнем не было.
Па ўсім доме прусакі. Хаваць няма сэнсу, бо іх можна сустрэць на вуліцы каля дома, у пад'ездзе, ды і кожны жыхар дома гэта адразу раскажа, калі ў яго пра гэта спытаць.
За кошт гэтага цана ніжэйшая за сярэднюю.
Сем'ям з маленькімі дзецьмі не падыдзе, бо алкашы пастаянна бухаюць улетку пад пад'ездам, зімой у пад'ездах, палохаючы дзяцей. Міліцыя і камеры над пад'ездамі іх ніяк не палохаюць», — папярэджвае мужчына.
У раёне мінскіх вуліц Гая і Арлоўскай пачалі зносіць прыватны сектар
«Дапамажыце, ніхто не хоча нас засяляць». Мінчанка пашкадавала сям'ю і трапіла на «акупантаў»
Чорныя паўзучыя істоты атакуюць шматкватэрныя дамы ў Маладзечне
Рыэлтар паказаў кватэру, якую прадалі за 80 тысяч даляраў. Беларусы ўразіліся
Што вядома пра віцебчука, якога вінавацяць у спробе падрыву самалёта ў Германіі11
Каментары