Voś užo sapraŭdy, sychodzić epocha: na bierazie Minskaha mora aktyŭna znosiać Riviera Country Club, jaki niekali hrymieŭ svaimi viečarynami. Tancy, muzyka, načnoje žyćcio — u druhoj pałovie dziasiatych hadoŭ taki volny čas karystaŭsia vialikim popytam.
Zaraz ža na miescy byłych rejvaŭ — hruda abłomkaŭ, piša Onliner.by.
Riviera Country Club znachodzicca za 9 km ad MKAD, prosta la vodnaj roŭniadzi Zasłaŭskaha vadaschovišča. Jon adkryŭsia tut u mai 2016 hoda i składaŭsia ź vialikaha budynka restarana, nievialikaha hatela, šatra i pryčała. Zdavałasia, što takaja łakacyja nazaŭsiody zabiaśpiečyć kompleksu vysokuju naviedvalnaść i papularnaść.
Spačatku tak i było: ludzi pryjazdžali siudy na karparatyvy, u restaran, palažać na plažy, patančyć na open-ejrach. Karparatyvy i tusoŭki praciahvalisia i ŭ nastupnym dziesiacihodździ, ale ŭžo nie tak hučna. Čas idzie, i ŭ masavaj śviadomaści źmianiajucca ŭjaŭleńni pra kłasny adpačynak. Hučnyja viečarynki źmianilisia bolš kamiernymi, tancy na plažach — pasiadziełkami ŭ barach.
U 2020 hodzie stała viadoma, što zaharadny kłub vystavili na prodaž. Novaha ŭładalnika šukali za $2,4 miljona, praŭda, ułaśniki byli zhodnyja na nievialiki torh.
Čym skončyŭsia pošuk, nieviadoma. Apošnija vodhuki pra łakacyju ŭ internecie datujucca 2022 hodam. Doŭhi čas abjekt vyhladaŭ zakinutym. A ciapier budynki i zusim vyrašyli źnieści.
Asnoŭny budynak restarana ŭžo zraŭniali ź ziamloj. Nastupny na čarzie — dvuchpaviarchovy hatel.
Infarmacyja pra toje, što mienavita źjavicca na vyzvalenaj ad byłoj zabudovy terytoryi, nidzie šyroka nie aśviatlałasia.
Miarkujučy z danych Publičnaj kadastravaj karty, u 2024 hodzie status ziamielnaha ŭčastka źmianili na nastupny: «Ziamielny ŭčastak dla budaŭnictva i absłuhoŭvańnia turystyčnaha kompleksu (pieršaja čarha budaŭnictva), artezijanskich śvidravin pa abjekcie «Turystyčny kompleks, jaki ŭklučaje budaŭnictva stacyjanarnaha kafe, letnich vierand, arhanizacyi prakatu i zachoŭvańnia spartyŭnaha invientaru, vadapłaŭnych srodkaŭ, abstalavańnia zony adpačynku na terytoryi Minskaha rajona. I i II čarhi».
Atrymlivajecca, zamiest byłoha zaharadnaha kłuba źjavicca novy, padobny pa funkcyjanale.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary