Były palitviazień Bandaruk, zaciaty krytyk demakratyčnych siłaŭ: Ja nienavidžu biełaruskuju movu
«Mnie bolš nie pa darozie ź biełarusami. Słava vialikaj Polščy! Miežy da 1939 hoda viarnuć by, blin», — kaža Vital Bandaruk.
Pa prapahandysckich kanałach raspaŭsiudžvajecca dziŭnaje videa z byłym palitviaźniem Vitalom Bandarukom, jaki sprabavaŭ siabie jak błohier Palitzek Viciok. U emacyjnym roliku toj nie strymlivaje siabie:
«Ja nienavidžu biełaruskuju movu, nienavidžu. Pakul hetyja pačvary jab**yja, b**dź, bazarać na hetaj movie, ja na joj bazaryć nie budu. Ćchu, b**dź, jab**aja biełaruskaja mova n**uj! Słava vialikaj Polščy! Miežy da 1939 hoda viarnuć by, blin».
Sam Bandaruk paviedamiŭ «Našaj Nivie», što toje videa sapraŭdnaje i adlustroŭvaje jaho ciapierašnija pohlady. U fejsbuku Vital piša padobnyja pa sensie pasty, a na jaho staroncy ŭ jutubie — vielizarny polski ściah.
Dniami mužčyna raskazaŭ u paście, što takija dumki ŭ jaho źjavilisia ŭ suviazi z turemnym dośviedam:
«Chacia ja naradziŭsia ŭ Breście i tearetyčna źjaŭlajusia biełarusam, ale paśla taho, jak ja pravioŭ čatyry z pałovaj hady ŭ niavoli režymu Łukašenki, ja całkam zrazumieŭ, chto takija biełarusy. I bolš mnie ź imi nie pa darozie.
Heta ludzi, jakija nie viedajuć, što takoje svaboda i jak być volnym narodam. Palaki supier: heta narod, jaki lubić svabodu, i pa darozie mnie tolki ź imi».
51‑hadovy Vital Bandaruk — błohier z Bresta. U svoj čas kupiŭ chatu ŭ vioscy ŭ Kamianieckim rajonie i pierabraŭsia tudy žyć. Videa ź vioski nie karystalisia asablivaj papularnaściu, padpisčykaŭ było kala 1000 čałaviek. Ale paśla pieršych internet-pośpiechaŭ uźnik kanflikt ź miascovymi ŭładami.
U 2021‑m Bandaruku prysudzili piać hadoŭ źniavoleńnia. Abvinavačvali jaho pa piaci artykułach: raspalvańnie varožaści, paklop na Łukašenku, abraza jaho ž, ździek ź dziaržaŭnych simvałaŭ i abraza pradstaŭnika ŭłady.
11 vieraśnia 2025 hoda, za try miesiacy da skančeńnia terminu, Bandaruka vyvieźli ŭ Litvu.
Na svabodzie były palitviazień dałučyŭsia da krytykaŭ demakratyčnych siłaŭ. Bandaruk niekalki razoŭ udzielničaŭ u strymach błohiera Siarhieja Piatruchina.
Na adnym ź ich Bandaruk aburaŭsia, što vyzvalenych palitviaźniaŭ raśsialili pa niejkich chostełach, a numary ŭ hateli nibyta prapanavali tolki nabližanym da kiraŭnictva apazicyi. Rabiŭ jon heta, jakraz siedziačy ŭ vydadzienym jamu numary ŭ hateli Vilni.
Z časam Vital pierabraŭsia va Urocłaŭ. Jon zapisaŭ videa, dzie raskazaŭ, što Piatruchin dapamahaŭ jamu z žyllom i ježaj. Pa stanie na lipień 2026 hoda Bandaruk ź Piatruchinym razam zdymali kvateru.
«Naša Niva» — bastyjon biełaruščyny
PADTRYMAĆ«Ja hetaha nie daruju». U palitviaźnia, vyviezienaha ŭ Litvu, znajšli hiepatyt S — napeŭna, zarazili za kratami
Vital Bandaruk: Da Sieviarynca bajalisia padychodzić navat zvyčajnyja zeki
Departavanyja pry pasiarednictvie amierykancaŭ palitviaźni zaviśli miž piekłam i ziamloju — biez DNŽ i mahčymaści pracavać
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary