Nacyjanalnaje kadastravaje ahienctva pradstaviła abnoŭlenuju viersiju publičnaj kadastravaj karty Biełarusi. Servis atrymaŭ sučasny dyzajn, bolš zrazumieły interfiejs i pašyrany nabor instrumientaŭ dla pracy z hieahrafičnymi danymi.
U abnoŭlenaj viersii źjavilisia funkcyi «Vybranaje» i historyja pošuku. Jany dazvalajuć zachoŭvać cikavyja abjekty i chutka viartacca da raniejšych zapytaŭ. Pošuk taksama ŭdaskanalili: vyniki stali bolš dakładnymi, a adkazy servisu — chutčejšymi. Karta adaptavanaja dla pracy jak na kampjutarach, tak i na smartfonach i ŭličvaje abranuju vobłaść prahladu.
Dla zručnaści pracy z hieahrafičnymi danymi dadali katehoryi słajoŭ. Infarmacyju možna hrupavać pavodle tematyki, a taksama stvarać ułasnyja katehoryi dla kankretnych zadač. Akramia taho, źjavilisia novyja kartahrafičnyja asnovy: multymaštabnaja karta, abnoŭlenaja navihacyjnaja karta i instrumient interaktyŭnaha paraŭnańnia roznych asnoŭ.
Ciapier karystalniki mohuć zachoŭvać karty i dzialicca imi z kalehami, siabrami i partniorami. Na sajcie taksama raźmiaścili raździeł z častymi pytańniami i formu zvarotnaj suviazi, praź jakuju možna zadać pytańnie techničnaj padtrymcy abo dasłać prapanovy.
Zarehistravanyja karystalniki atrymali mahčymaść zachoŭvać fatahrafii abjektaŭ i ich znački na asabistym dysku.
U Biełarusi možna zrabić biaspłatnuju acenku kvatery praz anłajn-servis
Minpryrody choča, kab rajonnyja čynoŭniki nie zabaraniali kupacca ŭ vadajomach biez tłumačeńnia
Pravieryć košt kvatery anłajn možna ciapier nie tolki ŭ Minsku
Kolki ŭ Biełarusi kaštuje lehalizacyja samavolna zaniataj ziamli
Dzie biełarusy čaściej za ŭsio kuplajuć pustyja chaty
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary