Biełaruskim hiniekołaham razdali novuju mietadyčku, jak razmaŭlać ź ciažarnymi, jakija dumajuć pra abort

«Naša Niva» atrymała skrypt, jaki razasłali hiniekołaham u roznych ustanovach achovy zdaroŭja Biełarusi. 

Tłustym vydzielena: pry razmovie z žančynaj doktar musić vykarystoŭvać słovy «ciažarnaść», «dzicia», «maci», «žyćcio», «maciarynstva» i paźbiahać słova «abort».

Prapisany najbolš častyja pryčyny abortaŭ, a taksama varyjanty asprečvańnia ich.

Naprykład, kali žančyna pryznajecca, što ŭ jaje drennyja adnosiny z partnioram, hiniekołahu prapanujuć skazać, što dzicia moža palepšyć stasunki ŭ pary ci što kryzisy byvajuć va ŭsich, a paśla skančeńnia čarhovaha žančyna budzie ščaślivaj, što zachavała dzicia.

Kali ciažarnaja skardzicca na adsutnaść padtrymki z boku siamji (naprykład, svaich baćkoŭ), doktaru rekamiendujuć padkreślić, što žančyna maje prava samastojna prymać rašeńnie ab zachavańni ciažarnaści. Taksama jon moža dadać: «Źjaŭleńnie małoha ŭ chacie čaściej za ŭsio prymiraje ŭsich svajakoŭ. Niemaŭla abjadnoŭvaje i azdaraŭlaje stasunki».

U abiedźviuch situacyjach hiniekołaham rekamiendujuć prapanavać svaju dapamohu ŭ tym, kab paviedamić navinu blizkim ludziam žančyny (kali jana sama baicca takoj razmovy).

Na arhumient pra toje, što ŭ hety momant u žančyny ŭ pryjarytecie adukacyja ci karjera, prapanoŭvajuć adkazvać frazami kštałtu «Maciarynstva — heta samaja pryhožaja i kaštoŭnaja žanočaja realizacyja» i «Možna ŭsio rabić paralelna: pahladzicie, jak šmat mocnych i paśpiachovych žančyn, jakija naradzili dzicia rana, i heta nie pieraškodziła ich karjery».

Dazvalajecca zrabić akcent na tym, što budavać karjeru možna va ŭsiakija hady, a voś dzicia lepš naradzić u maładości.

Kali ciažarnaja kaža, što ŭ jaje ŭžo jość dzieci i naradžać bolš jana nie choča, doktar moža pasprabavać pierakanać jaje frazaj: «Dzieci sa šmatdzietnych siamiej bolš adaptavanyja dla žyćcia. Sacyjalnyja navyki ŭ ich taksama raźvity našmat lepš».

U vypadku, kali na pryjom pryjšła vielmi maładaja dziaŭčyna, jakaja baicca, što nie hatovaja da maciarynstva, hiniekołahu rajać rabić akcent na tym, što maładość — najlepšy pieryjad, kab naradzić.

I navat možna paabiacać, što maciarynstva pieraviadzie dziaŭčynu na inšy ŭzrovień asobasnaha raźvićcia ŭ paraŭnańni z ravieśnicami bieź dziaciej.

Kali ŭ ciažarnaj jość niejkija zachvorvańni i jana chvalujecca, što dzicia taksama moža naradzicca chvorym, doktar pavinien raskazać pra najlepšych śpiecyjalistaŭ, ź jakimi možna prakansultavacca.

Razhladajecca i varyjant, što treba kazać doktaru, kali ciažarnaja skardzicca na drennaje finansavaje stanovišča: «Dabrabyt siamji, viadoma, važny. Vielmi časta z naradžeńniem nastupnaha dziciaci dla siamji adkryvajucca novyja mahčymaści dla zarobku» i «Kožnaj maci chočacca, kab jaje dzicia rasło ŭ dastatku. Ale samaje kaštoŭnaje, što my možam dać dziciaci — heta luboŭ i abarona».

Vydzielena, što ŭ vypadku luboha z matyvaŭ dla abortu varta skazać:

«Kožnaje pierapynieńnie ciažarnaści — heta škoda dla zdaroŭja i ryzyka raźvićcia ŭskładnieńniaŭ. Abort — častaja pryčyna biaspłodździa i nievynošvalnaści ciažarnaści ŭ budučyni».

Dalej varta dadać pra toje, što z uzrostam źnižajecca repradukcyjny patencyjał i što navat EKA nie zaŭsiody dapamahaje žančynam starejšaha repraduktyŭnaha ŭzrostu. 

Prapisanyja i niedapuščalnyja dla miedyka frazy. 

Naprykład, zabaraniajecca asudžać: «U vašy hady para ŭžo ŭnukaŭ hadavać, a nie dziaciej naradžać». 

Nielha taksama pužać frazami ź sieryi «Ad vas pojdzie muž, kali vy zaraz zrobicie abort».

Kali paśla kansultacyi žančyna vyrašyła zachavać ciažarnaść, hiniekołah musić pachvalić jaje za pravilnaje rašeńnie.

Kali praciahvaje nastojvać na aborcie, doktaru zahadana adpravić pacyjentku na razmovu da psichołaha. 

• 16
• 0
• 3
• 18
• 1
• 0
• 1
• 1