Dać busiu, zaloty, zamiłavańnie dy inšyja słovy.
Čytačy narakajuć, što naša rubryka «Kachańnie i seks» addaje pieravahu luboščam, zusim zabyvajučysia na słova, jakoje ŭ naźvie rubryki idzie pieršym. U adkaz na hetyja skarhi, a taksama (čaho chavać!) paśla ašałamlalnaha pośpiechu «Małoha biełaruska-biełaruskaha słoŭnika seksualnych paniaćciaŭ»my ŭkłali biełaruska-biełaruski słoŭničak ciapier užo paniaćciaŭ luboŭnych.
Kali łaska, sinonimy.
Abdojmy – abdymki.
Atulać – abdymać, achinać (ciapłom, piaščotaj).
Buśka, busia — lohki pacałunak. «Daj busiu!» — pacałuj! Prosiać jak małych, tak i vialikich.
Datklivy — čullivy, dalikatny.
Žarść — straść, pałkaść, zachapleńnie.
Žarsny — pałki, haračy ŭ kachańni.
Zalacacca da žančyny (mužčyny) — ras. uchaživať za žienŝinoj (mužčinoj), anh. to ray court to a woman (man).
Zaloty — ras. uchaživanija, anh. courting.
Zalotnik — kavaler, ras. uchažior, anh. ladies' man.
Zamiłavańnie — luboŭ, ščaście.
Kachanak≠paluboŭnik. Vy zakachanyja adno ŭ adnaho? Značycca, vy kachanki, i niavažna, žanatyja vy ci vy nie, i ci žanatyja ŭvohule. A voś paluboŭnica (paluboŭnik) moža źjavicca tolki ŭ žanataha mužčyny (zamužniaj žančyny).
Łaščyć – hładzić, piaščotna datykacca.
Lubaść — luboŭ.
Luboŭ≠kachańnie U sučasnaj biełaruskaj movie značeńni hetych słovaŭ nie zaŭsiody supadajuć. Luboŭ moža być da maci, a kachańnie – da dziaŭčyny. Razam z tym, čullivaje i žarsnaje kachańnie da dziaŭčyny moža pieraraści ŭ hłybokuju i ŭsioabdymnuju luboŭ da jaje. A voś ruch u supraćlehły bok, ad lubovi da kachańnia, nie zaŭsiody mahčymy. Niedarečna buduć hučać vyrazy «kachańnie da maci», a taksama «kachańnie da Radzimy» abo «kachańnie da knihi».
Pabracca šlubam — ažanicca.
Uziać šlub — ažanicca.
Ulaluščycca pa samyja vušy — mocna zakachacca, utreskacca. Hety vyraz užyvajecca z adcieńniem žartaŭlivaści.
Nie abminiem my svajoj uvahaj i luboŭnyja epitety. Padadzienyja nižej łancužki dapamohuć apisać svajo zachapleńnie žančynaj ci mužčynam, bo padadzienyja nižej prymietniki mohuć, zrazumiełaja reč, ź lohkaściu pamianiać svoj rod.
Pryhožaja, hožaja, charošaja, pieknaja, hrečnaja, krasnaja. fajnaja.
Čaroŭnaja, cudoŭnaja, vabnaja, pryvabnaja, pryvablivaja, panadnaja, dzivosnaja, dziŭnaja.
Vytančanaja, vyšukanaja, dalikatnaja, zhrabnaja.
Aślaplalnaja, šykoŭnaja, raskošnaja, nievykaznaja, nievymoŭnaja, ašałamlalnaja.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary