«Spakušalnik» Cila Švajhiera — dobrasumlenny sientymientalny film na siamiejnym padradzie.
Niamieččyna, 2011, 123 chv.
Režysior: Cil Švajhier
Roli vykonvajuć: Cil Švajhier, Emma Švajhier, Džaśmin Džerat, Semiueł Fincy, Numan Akar
Žanr: Kamiedyjnaja mieładrama
Adznaka: 5,5 (z 10)
**
Zaciaty kavaler Hienry, jaki z pryzvyčajenaj lohkaściu pazbaŭlajecca ad čarhovaj pakłońnicy, znachodzić pad dźviaryma svajoj kvatery vaśmihadovuju Mahdalenu. Dziaŭčynka — jahonaja dačuška. Kolišniaja siabroŭka Hienry i maci Mahdaleny ŭkaciła ŭ Ńju-Jork, a aficyjny baka ad dziaŭčyny admoviŭsia, kali daviedaŭsia, što dzicia nie jahonaje. Ahałomšany hieroj stužki vučycca być adkaznym tatam.
Karcina Cila Švajhiera — dobrasumlenny sientymientalny film na siamiejnym padradzie. Sam Švajhier hraje ździŭlenaha hałoŭnaha hieroja, a jahonaja dačka — niaŭrymślivuju Mahdalenu. Kolišnija seksualnyja avantury «Pryhažuna» rašuča adsunutyja ŭbok. Na paradku dnia kudy važniejšyja pryhody: nakarmić dzicia (kali ŭ ladoŭni myš paviesiłasia), razabracca sa školnymi chulihanami, vysušyć patopleny dačuškaj mabilnik (biespaśpiachova).
Paciešnyja kłopaty dvuch tataŭ-niedarekaŭ kranajuć z časoŭ Depardjo i Ryšara. Dziciačyja hrymasy miłyja, a vysiłki Cila Švajhiera zabaŭlajuć, chacia počastu adnastajnyja. Film hladzicca, jak sieryja padkreślenych scenak, razbaŭlenych pieknaju muzykaj. Ale prostyja čałaviečyja emocyi kudy kaštoŭniej za biazdušnyja kamputarnyja efiekty, što panujuć na siońniašnim ekranie.
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary