projdzie ŭ lutym u minskaj kniharni «łohvinaŬ» pry padtrymcy Pasolstva Šviecyi ŭ Minsku.
Na praciahu lutaha ŭ kniharni čytačoŭ čakaje palička sa šviedskimi knihami, a taksama vystupy i čytańni šviedskich piśmieńnikaŭ.
7 lutaha (aŭtorak) Paśla ŭračystaha adkryćcia, dzie vystupiać hanarovyja hości, adbudziecca litaraturnaja viečaryna «Hłobus Šviecyi», na jakoj Lavon Barščeŭski vystupić ź pierakładami Nobieleŭskaha łaŭreata Tumasa Transtromiera, Uładzimir Arłoŭ padzielicca ŭražańniami ad vandroŭki za Palarnaje koła na šviedska-finskaje pamiežža, Viera Burłak pračytaje vieršy-impresii pra skandynaŭskija avijalinii, Valancina Aksak i Valaryna Kustava raspaviaduć pra vyspu Hotłand. Viadoŭca imprezy – Andrej Chadanovič. Pačatak a 19.
12 lutaha (niadziela) Ranišnik dla dzietak z prezientacyjaj knihi Jui Visłander «Mama Mu čytaje» dy Jui i Tumasa Visłanderaŭ «Mały i Biłan», z udziełam aŭtarki Jui Visłander i jaje biełarurskaj pierakładčycy Nadziei Kandrusievič, a taksama śpievakoŭ Źmitra Vajciuškieviča i Haliny Kazimiroŭskaj, jakija zapisali kružełku ź Juinymi kazkami i piesieńkami. Lalečny teatryk Vieraniki Faminoj «Lamcavaja batlejka» pradstavić svaju viersiju Mamy Mu. Dzietki i darosłyja, prychodźcie! Pačatak a 14-j.
18 lutaha (subota) Prezientacyja dziciačaj knihi Ulfa Starka «Dyktatar» (papiarovaje vydańnie+elektronnaja viersija). Pry ŭdziele aŭtara, a taksama litaraturaznaŭcy Janiny Arłoŭ, i pierakładčyc: Nasty Łabady i Volhi Ryzmakovaj. Viadoŭca – Andrej Chadanovič. Znoŭ zaprašajem dzietak i ich baćkoŭ. Pačatak a 14-j.
28 lutaha (aŭtorak) Viečar šviedskaha detektyva. Pakaz filma pavodle ramana Styha Łarsana i abmierkavańnie fienomiena šviedskaha detektyva. Viadoŭca – kulturołah Maksim Žbankoŭ. Pačatak u 18-30.
12 sakavika (paniadziełak) Nobel-party.Impreza,pryśviečanaja paetu-nabielistu Tumasu Transtromieru. Z udziełam pierakładčyka Lavona Barščeŭskaha i režysiora Lejfa Ulsana. Maderatar – Andrej Chadanovič. Pačatak a 19-j.
15 sakavika (čaćvier) Teatralizavany viečar, pryśviečany kłasiku suśvietnaj dramaturhii Aŭhustu Stryndbierhu. Z udziełam aktoraŭ minskich teatraŭ i režysiora Lejfa Ulsana, idyrektara Teatra biełaruskaj dramaturhii Valeryja Anisienki. Pačatak a 19-j.
Pra aŭtaraŭ
Ulf Stark (Ulf Stark) Adzin z samych viadomych jeŭrapiejskich dziciačych piśmieńnikaŭ. Naradziŭsia ŭ 1944 hodzie ŭ Stakholmie. Debiutavaŭ jak aŭtar knih dla darosłych. U 1984 hodzievyrašyŭ całkam pryśviacić siabie dziciačaj litaratury. Łaŭreat prestyžnaj premii Andersana. Piša viasiołyja i mudryja knihi, ad fentezi da dziciačych vieršaŭ.
Juja Visłander (Jujja Vislander) Šviedskaja dziciačaja piśmieńnica (naradziłasia ŭ 1944h.), viadomaja svaimi viasiołymi historyjami ab cudoŭnaj i advažnaj harezie – karovie Mu, jaje siabru-chvalku krumkačy Kraksie, dy ich sumiesnym pryhodam. U 2005 h. tvorčy duet Jui i Tomasa byŭ uhnaravany premijaj imia Astryd Lindhren.
Janina Arłoŭ (Janina Orlov) Naradziłasia ŭ 1955h. Pierakładčyca, litaraturaznaŭca, aktyŭnaja ŭdzielnica farmavańnia kulturnaj palityki svajoj krainy.
Lejf Ulsan (Leif Olson) Naradziŭsia ŭ 1938h. Šviedski režysior, scenaryst, aktor.
Adras kniharni «łohvinaŬ»: pr-t. Niezaležnaści, 37a. Kantaktny telefon: +375-44-7236574 (Pavał).
Kamientary