Pavodle danych jeŭrapiejskaj słužby Copernicus, tempieratura pavierchni Suśvietnaha akijana dasiahnuła rekordnaha ŭzroŭniu dla hetaha času hoda i pierasiahnuła pakazčyki, zafiksavanyja ŭ 2023 i 2024 hadach, paviedamlaje The Guardian.
21 červienia za miežami palarnych rehijonaŭ była adznačanaja samaja vysokaja tempieratura pavierchni akijana za ŭsiu historyju nazirańniaŭ dla hetaj daty. Navukoŭcy ličać, što takoje paciapleńnie moža istotna paŭpłyvać na nadvorje, hłabalny klimat i stan marskich ekasistem.
Asablivuju zaniepakojenaść vyklikaje i mahčymy pačatak mocnaj fazy źjavy El-Nińjo. Pavodle prahnozaŭ, jana moža stać adnoj z najmacniejšych za apošnija dziesiacihodździ, što jašče bolš uzmocnić hłabalnaje paciapleńnie.
Papiaredni rekord tempieratury pavierchni akijana, ustalavany ŭ červieni 2023 hoda, papiaredničaŭ pieryjadu ekstremalnaj śpioki, pavodak i mocnych štormaŭ u roznych krainach śvietu. Ciapier hety pakazčyk užo pieraŭzydzieny.
Daśledčyki nahadvajuć, što Suśvietny akijan pahłynaje bolš za 90 pracentaŭ lišniaha ciapła, jakoje nazapašvajecca ŭ klimatyčnaj sistemie Ziamli. Hałoŭnaj pryčynaj hetaha jany nazyvajuć vykarystańnie vykapniovaha paliva, a sam praces nahravańnia akijana praciahvaje paskaracca.
U toj ža čas navukoŭcy adznačajuć, što pakul rana rabić kančatkovyja vysnovy, bo samyja vysokija tempieratury pavierchni akijana zvyčajna nazirajucca ŭ lipieni i žniŭni. Adnak śpiecyjalisty nie vyklučajuć, što spałučeńnie ŭžo rekordnaha nahrevu akijana i raźvićcia El-Nińjo moža pryvieści da novych tempieraturnych rekordaŭ u najbližejšyja miesiacy.
U Aŭstralii aficyjna zajavili pra pačatak El-Nińjo
Klimatołahi papiaredžvajuć: hety hod moža stać samym ciopłym u historyi. I z samaj vialikaj kolkaściu pryrodnych anamalij
U hetym hodzie čakajuć supier El-Nińjo — rekordnuju haračyniu
Samaje zasušlivaje miesca ŭ śviecie časam pieratvarajecca ŭ kvietkavy dyvan
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja11
Kamientary